InfoHub Logo

Páterdi jınaǵan kezde kóp jaǵdaılarda barlyǵyn tazarttyq, endi rahattanyp demala alamyz dep oılaımyz. Alaıda kóp jaǵdaılarda qaýipti bolýy múmkin ekenin bilmeıtin jerler nazarymyzdan tys qalyp tazalanbaıdy.

Osy oraıda biz páterde shań-tozań kóp jınalatyn 5 jerdi atap kórsetkimiz keledi.

1. Tekstıl betteri (dıvan, tósek-oryndar, perdeler, kilemder)

Páterdegi bul zattar kóp shań-tozań jınaıdy, alaıda biz olardy sırek jýamyz. Kilemderge kósheden aıaq kıimmen kir men bakterıalar ákelinedi. Kóptegen páterlerdiń dıvandarynda serippe men qaptaýynan bólek shań keneleri bolady. Bul mıkro tirshilik ıeleri adam terisiniń qaldyqtarymen qorektenedi jáne adam densaýlyǵyna qaýipti.

Kenelerdiń ózderi adam aǵzasyna qaýip tóndirmeıdi, al olardyń nájisi bronh demikpesin, alergıalyq reaksıalardy, murynnyń bitelýi, jótel, kózdiń qurǵaýy, ekzema sıaqty jaǵymsyz belgilerdi týdyrýy múmkin.

Ókinishke oraı, ony qoldanystaǵy tazartqysh quraldarmen tazalaý múmkin emes, olardy kásibı jınaý-tazalaý quraldarynyń kómegimen ǵana zalalsyzdandyrýǵa bolady.

2. Teledıdar púlti, esiktiń tutqasy jáne jaryq óshirgish-qosqysh

Bul zattardy kúnine birneshe ret ustaımyz jáne bul týraly oılana bermeımiz. Kúnnen kúnge olarǵa bakterıalar men mıkroptar jınalyp, bizdiń aǵzamyzǵa ońaı enedi. 

Jaryqty qosyp, as bólmesine kirip, birden tamaq jedińiz. Teledıdardy púltpen qosyp, kózińizdi ýqaladyńyz. Osylaısha mıkrobtar aǵzaǵa enip aýrý týdyrady. Al aýrýdyń sebebi esiktiń tutqasy bolýy múmkin degen oı eshqashan kelmeıdi.

3. Vana bólmesi

Árbir úı sharýasyndaǵy áıel eń las jer degen oımen dárethanany birneshe kúnde bir ret jýady. Shyndyǵynda, negizgi nazardy vanaǵa aýdarý kerek. Ol jerde de jyldar boıy shań jınalyp nazardan tys qalatyn oryndar bar. Tazalaýdy umytpaý kerek bolǵan tizimdi usynamyz.

Kir jýatyn mashına únemi jýǵysh untaqtarmen jumys istegennen keıin taza bolady dep oılaımyz. Biraq is júzinde rezeńke tyǵyzdaǵyshtar, sý qubyrlary men untaqqa arnalǵan konteınerler ýaqyt óte qaýipti bakterıalar, qara zeń men sańyraýqulaqtar ómir súretin orynǵa aınalady. Kir jýǵan kezde osy aǵzalar mata talshyqtaryna, sodan keıin terińizge ótedi.

Dýshtaǵy perdelerden sarǵysh daqtardy baıqaǵan shyǵarsyz — bul aýrý týdyrǵysh bakterıalar. Sondyqtan jýýǵa bolatyn matadan jasalǵan perdelerdi tańdaǵan abzal.

Dýshqa arnalǵan saptama, qol súlgileri, qoqys shelegi, vana men ýnıtaz muqıat tazalaýdy qajet etedi. Sizdi tańdandyratyn taǵy bir nárse bar — bul tis qylshaǵy (shetka)! Eger sizdiń páterińizde vana men dárethana bólmesi birge bolsa, dárethana sýyn ár aǵyzǵanda aýaǵa mıllıondaǵan bakterıalar kóteriledi. Ol bakterıalar tis shetkasyna da shógedi. Bakterıalar túbinde sý qalatyn staqan men shuńǵylshany da jaqsy kóredi.

4. Balalar oıynshyqtary

Oıynshyqtar únemi balalardyń qolynda, olarmen oınaıdy, edenge laqtyryp kóteredi. Oıynshyqtar bólmede turǵanda olarǵa da shań shógedi, ony súrtpeımiz. Balalar oıynshyqtardy kir qoldarymen ustaıdy. Balalar oıynshyqtaryna taldaý jasalǵanda olardan ishek taıaqshasy jáne enterobakterıalar tabyldy. Mundaı oıynshyqtardy balalarymyz jıi aýyzdaryna salady!!!

5. As bólmesi

Kóp ýaqytyn ótkizetin oryndardyń biri. Biz únemi jýyp, bárin súrtetin sıaqtymyz, biraq onda ártúrli bakterıalardyń ósip taraýyna qolaıly oryndar bar.

Tamaq daıyndaǵan kezde pisirilgen taǵam býlanady, al bul maı as úıdiń barlyq jerine shógedi.

AQSH ǵalymdary tájirıbe ótkizdi, olar adamnyń qolyna aýanyń hımıalyq quramyn kórsetetin qurylǵyny kıgizdi. Zertteý qorytyndysy boıynsha, eń las jer — as bólmesi.

Ǵalymdar as bólmesi gazben kóp lastanady deıdi.

Iis gazy aǵzaǵa engende gemoglobınmen birigip ony bloktaıdy. Qan aǵzalarǵa qajetti mólsherde ottegini berýdi toqtatady. Bas kezinde adam eshteńe sezbeıdi, ýaqyt óte kele organızm álsirep aǵzanyń osal bóliginiń jumysy nasharlaıdy.

Sondyqtan da ár as bólmesinde gaz soratyn qurylǵy bolýy shart. Sondaı-aq, ony da únemi tazalap otyrý qajet.

Jyly ári ylǵaldy orta bakterıalardyń kóbeıýine qolaıly. Sondyqtan ǵalymdar kúndelkti ydys jýatyn gýbkanyń ózinde 20 myńnan asa mıkroorganızm bolady dep málimdeıdi.

Tońazytqysh, aǵash taqtaıshalar, jeldetkish torlar mıkrobtardyń oshaǵy bolyp tabylady.

Ǵalymdardyń aıtýynsha, tońazytqyshtyń kameralaryndaǵy tómengi temperatýraǵa qaramastan, onda shamamen 11 mln bakterıalar tirshilik etedi. Ol jerge olar azyq-túlikpen túsedi.

Sondyqtan da tońazytqysh kameralaryn úsh aptada bir ret jýyp otyrý qajet.  Iaǵnı, tońazytqyshtyń muzyn eritip, soda nemese sirke sýynyń eritindisimen jýyp, úsh saǵatqa deıin esigin ashyp keptirý qajet.

Oqýǵa keńes beremiz:

Tazalyqqa arnalǵan 9 amal

Biz eskere bermeıtin eń las 10 zat

Úıdi tap-taza ustaýdyń 12 ádisi

Sońǵy tazalyq: tazalyq júrgizýdiń shvesıalyq jańa ádisi

Úıdiń shashylmaýyn qamtamasyz etetin 7 ádet

Úı jınaýdy jeńildetetin 13 ıntererlik qýlyq

---