InfoHub Logo

Zaman aǵymy alǵa jyljyǵan saıyn básekelestik pen sapa arta túsedi. Tańdaý kóp bolǵandyqtan biri qymbat dúnıelerge úıir bolsa,biri arzanǵa úıir. Arzannyń sorpasy tatymas. Desek te halyq arasynda taraǵan bul sóz kitapqa eshqandaı qatysty emes. Álemdegi adamdar sıaqty kitap ta tym kóp. Janyń neni qalasa sony oqy. Arzan ne qymbat,ádebıet nemese bıznes,bestseller bolady ma mańyzdy emes. Kitap oqýdaǵy basty maqsat-rýhanı baıý. Qaı jaǵynan aqsap tursyń?Sol jóninde kitap oqy. Kitap oqýym kerek eken dep taqyryby unaǵannyń barlyǵyn kóz maıyńdy qurtyp oqı berme. Naǵyz saǵan arnalǵan kitapty tabý qıyn,ony qansha jasyńda tabaryń da belgisiz.

Men oqyǵanym úshin múlde ókinbegen kitap-(Kóshpendiler)Jas patrıot bolýǵa talpynǵan 13 jasar qyz İlıas Esenberlınniń 800 bettik romanyn oqýǵa kiristi. Ár betin tereń uǵyna oqyǵan soń ,men tarıhtyń qanshalyqty qundy ekendigin uqtym. Ár hannyń qajyrly qaıraty,halyqtyń eńbekqorlyǵy meni tánti etti. Qanshama qysymdy oqı otyra jáı ǵana otyra almadym. Tarıh pánin bar ynta shyntammen oqı bastadym. Kórkem shyǵarma  oqysam da tarıhı kitapty tańdadym. Barsha jyldardy,soǵys,joryq,bekinisti jatqa bilmesem de tarıhshy dep atap ketti. Óıtkeni men rasymen de tarıhty túsinýshi edim. Bir oqpen eki qoıan atqandaı boldym. Til baılyq,oı órisimdi eresekshe jetildirdim jáne tarıhtan habardar boldym. Fantasıkalyq baǵyttaǵy kitaptardy oqı bermeı,tarıhqa basym kúsh salý arqyly ózimniń patrıottyq sezimderimdi oıata aldym. Tarıhtan jetistikke jetsem İlıas atamdy eske alamyn. Alǵysymdy bildiremin. 16 birdeı tarıhı kitap jazý men degen jazýshynyń qolynan kele bermeıtin is. Burmalanǵan qazaq tarıhyn zerttep,kózi tirisinde oqyrman rızalyǵyna bólene qoımasa da,qazir qazaq halqy atammen maqtanady.

Eńbek túbi-beınet . Kitap oqý adam eńbegin talap etedi. Kez-kelgen adamnyń kitap oqýǵa qabileti men múmkindigi bar. Biraq kitappen dos bolý-árkimniń óz jan qalaýy. Ósem deseń tynbaı eńbekten. Durys joldy aıqyndaý úshin qıyndyqtardyń túrlisin anyqtaı bilýiń kerek. Kitap oqı otyryp osy jóninde tájirıbe jınar ediń. Árıne kitap kóp. Al seniń kitabyń bireý jáne ol eń súıikti bolýy kerek.

Ahmed Janna

---