InfoHub Logo

 Pavlodarda Nazarbaev Zıatkerlik mektebiniń 8 «D» synybynyń oqýshysy Abylaıhan Mýstafın 8,35 sekýnd ishinde 2h2 nomınasıasy boıynsha «Rýbık kýbıgin» jınap, ekinshi jyl qatarynan óz rekordyn jańartty,- dep jazady pavlodarnews.kz. 

Bul týraly agenttikke bilim berý mekemesiniń baspasóz hatshysy Rymgúl Bojaqanova habarlaǵan.

- Fızıka, matematıka jáne ınformatıka aptalyǵy aıasynda uıymdastyrylǵan «Rýbık kýbıgi» saıysyna qatysýǵa segiz oqýshy ótinish bildirgen. Jeńimpaz atanǵan Abylaıhan alǵashqyda kýbıkti 5-6 mınýtta jınaıtyn. Ótken jyly 11,2 sekýndta jınap shyqqan ol bul kórsetkishti aldaǵy ýaqytta úsh sekýndqa deıin jetkizýge maqsat qoıyp otyr. Sondaı-aq 10 «C» synybynyń oqýshysy Sultan Shýpeev kózin japqan kúıinde 2h2 nomınasıasynda nebary 30,88 sekýndta osy kýbıkti qurastyryp shyǵyp, jeńimpaz atandy. Mundaı oıyn arqyly balanyń oılaý qabiletin damytýǵa bolady, - deıdi R. Bojaqanova.

Bıyl oqýshylar Rýbık kýbıginiń kúrdeli kombınasıalarynan da synǵa túsken. Bul  5h5 atalymynda 8 «D» synyp oqýshysy Álisher Ashekeev 6,43 mınýtta jeńiske jetse, pıramıdany jyldam quraǵan qatysýshylardyń arasyndaǵy jalǵyz qyz - 8 «D» cynyp oqýshysy Amına Erdes tapsyrmany 13,44 sekýnd ishinde oryndap shyqqan.

Aıta keteıik, byltyr AQSH-ta jasóspirim Lýkas Etter 3x3 nomınasıasy boıynsha, 4,9 sekýnd ishinde «Rýbık kýbıgin» jınap, álemdik rekord ornatqan. Onyń bul jetistigin búkil álemdik (World Cube Association) qaýymdastyǵy tirkegen.

 

 

---