InfoHub Logo

Zoom baǵdarlamasy arqyly «Zamanaýı mektep jaǵdaıynda synyp jetekshisiniń kásibı quzyrettiligi» atty onlaın-semınar ótti. Semınarǵa 42 dırektordyń tárbıe isi jónindegi orynbasary jáne 42 synyp jetekshilerdiń ádistemelik birlestiginiń jetekshisi qatysty. Maqsaty-tárbıe jumysyn uıymdastyrýdyń túrleri men ádisterin jetildirýde aqparattyq-ádistemelik kómek kórsetý.

Vebınardyń moderatory Pavlodar qalasy bilim berý bóliminiń ádiskeri M. K. Qasenýalıeva sóz sóıledi, ol semınarǵa qatysýshylarmen pedagogıkalyq prosesti uıymdastyrý, kelesi oqý jylyna normatıvtik-ádistemelik súıemeldeýdi qamtamasyz etý jáne jumysty josparlaý máselelerin talqylady.Onlaın-semınar jumysyna Nazarbaev Zıatkerlik mektebi dırektorynyń orynbasary Kópeev Arslan Jatilekuly qatysty. Ol semınarǵa qatysýshylarmen «Shańyraq» mektep qaýymdastyǵyn qurý erekshelikteri týraly máselemen bólisti, Zıatkerlik mektep kýratorlarynyń jumysyn uıymdastyrý tásilderi týraly áńgimeledi.Pavlodar qalasynyń «Rýhanı jańǵyrý» qalalyq jobalaý keńsesiniń koordınatory Takıbaeva Ásıa Saǵdatqyzy óz sózinde «Rýhanı jańǵyrý» baǵdarlamasyn júzege asyrý boıynsha usynystar berdi jáne mektepterde «Jas bloger» klýbtaryn ashý týraly usynys engizdi. «Jas blogger» klýby - bul 8-15 jastaǵy balalarǵa arnalǵan jańa damytý jobasy. Bul jaǵdaıda oqýshylar synyp, mektep úshin synyptan tys is-sharalardyń onlaın-kúndeligin qashyqtyqtan júrgize alady. Kırgeeva Gulnara Qabylqyzy (№14 mektep) «Qashyqtyqtan bilim berý jaǵdaıynda quqyq buzýshylyqtyń aldyn alý» taqyrybynda óz sózinde karantın kezeńinde kámeletke tolmaǵandar arasyndaǵy quqyq buzýshylyqtyń aldyn alýǵa baǵyttalǵan qashyqtyqtan oqytý formatynda profılaktıkalyq jumysty uıymdastyrý boıynsha, ózin-ózi oqshaýlaý, uzartylǵan demalys kezeńinde otbasylyq - turmystyq qarym-qatynasta psıhologıalyq faktorlardyń áserin kúsheıtýdi esepke ala otyryp, jumys tájirıbesimen bólisti.Shýaqbaeva Janar Nıazbekqyzy (№21 mektep) «Qashyqtyqtan oqytý jaǵdaıynda synyp saǵattaryn ótkizý erekshelikteri» taqyrybynda baıandama jasap, synyptan tys is-sharany daıyndaý algorıtmin jáne qashyqtyqtan oqytý jaǵdaıynda synyp is-sharasyn taldaý shemasyn usyndy. Nurekenova Zeınegúl Qalymtaıqyzy (№16 lıseı-mektebi) «Qashyqtyqtan oqytý jaǵdaıynda áleýmettik jelilerdegi jumys» taqyrybynda baıandama jasady.

Qazirgi ýaqytta qalanyń barlyq bilim berý mekemeleri oqý-tárbıe úrdisinde áleýmettik jelilerdiń resýrstaryn belsendi paıdalanady, bul aqparat almasýǵa yqpal etedi, oqýshylardyń oqý is-áreketinde ýájdemesin arttyrady, shyǵarmashylyq qabiletterin jáne tanymdyq qyzyǵýshylyqtaryn damytýdy yntalandyrady.

Baǵdáýlet NURMAT

Bilim basqarmasynyń baspasóz hatshysy

---