InfoHub Logo

Bilim berýdi damytýdyń ınovasıalyq ortalyq josparyna sáıkes tárbıe isi jónindegi orynbasarlary úshin «Oqýshylardyń jazǵy demalysyn uıymdastyrýda zamaýı tásilderdi qoldaný» taqyryby boıynsha onlaın-semınar ótti.

Semınar jumysyna Pavlodar oblysy bilim berý basqarmasynyń tárbıe jumysy jáne qosymsha bilim berý bóliminiń basshysy, Ibraeva G.R. 2019-2020 oqý jylynyń bilim berý uıymdarynda jazǵy demalysty uıymdastyrý boıynsha normatıvti-quqyqtyq turǵyda túsindirme jumystaryn júrgizdi.

«Qashyqtyq bilim berý tehnologıalaryn qoldaný jaǵdaıynda tárbıe jumysyn úıymdastyrý» boıynsha ortalyqtyń tárbıe jumysy jáne tulǵany áleýmettendirý bóliminiń basshysy, Aýshahmanova B. T. kompúterlik-aqparattyq tehnologıalar arqyly bilim alýshylarmen tárbıe jumysyn qashyqtyq túriniń uıymdastyrý túrlerin jáne tárbıe úderisinde aqparattyq-kompúterlik tehnologıalardyń oń jaqtaryn atap ótti.

«Jobalar arqyly jazǵy demalysty uıymdastyrý» taqyryby boıynsha Daryndy balalarǵa arnalǵan Abaı atyndaǵy №10 lıseıiniń tárbıe jónindegi dırektordyń orynbasary, Kazıeva B.Á. pandemıa kezinde jazǵy demalysty uıymdastyrý boıynsha «10 kitap», «Minber», «Ekodızaın», «Zıatkerlik zona», «Erekshe talant», «+5» jobalaryn usynyp kútiletin nátıjelerin belgiledi.

«Jobalaý qyzmeti - jazǵy demalysty uıymdastyrýǵa ınovasıalyq jáne dástúrli tásilderdi ıntegrasıalaýdyń bir formasy» taqyryby boıynsha Pavlodar qalasynyń №19 jalpy orta bilim berý mektebiniń tárbıe jónindegi dırektordyń orynbasary, Kýlbekova Sh. M. onlaın rejıminde tárbıe jumysyn uıymdastyrýdyń 7 modýlin usynyp, ár modýldiń ereksheligin sıpattap, erekshe «Ulaǵat kózi» modýli «Uly dalanyń jeti qyry» jobasyn onlaın rejiminde iske asyrý algorıtmimem tanystyrdy.

«Volonterlyq – patrıotızmniń joǵary kórinisi» taqyryby boıynsha otralyqtyń tárbıe jumysy jáne tulǵany áleýmettendirý bóliminiń ádiskerleri: Mýndýınova K. A., Kojına Z.S. eriktilerdiń jumys isteý baǵyttary boıynsha keńes berip, onlaı rejıminde jazǵy demalysty uıymdastyrýda usynystar berdi.

Ýspen aýdanynyń Qozyketken jalpy orta bilim berý mektebiniń tárbıe jónindegi dırektordyń orynbasary Qudaıbergenova Z. D. «Ólketaný –jazǵy demalysty uıymdastyrýdaǵy negizgi baǵyttardyń biri» taqyryby boıynsha ólketaný baǵytynda tárbıe berý mindetterin atap, áleýmettik seriktestiktermen jumys isteý túrlerin kórsetýmen birge onlaı rejıminde jazǵy demalysty uıymdastyrý boıynsha óz tájirıbelerimen bólisti.

Onlaın-semınar baǵdarlama aıasynda jazǵy demalystyń ózekti úrdister talqylanyp, tyńdaýshylarǵa usynystar berildi

Baǵdáýlet Nurmat

Bilim basqarmasynyń baspasóz hatshysy

---