InfoHub Logo

Perızat Qaırat pen onyń anasy Ǵaını Alashbaevanyń qorǵaýshysy Arman Davletárov olardyń isi boıynsha apelásıalyq shaǵym túsirgenin rastady. Advokattyń aıtýynsha, shaǵymda aıyptalýshylardyń áreketinde qylmys quramy joq ekeni kórsetilip, birinshi satydaǵy sottyń úkimin joıý jáne olardy tolyq aqtaý suralǵan. «Iá, apelásıalyq shaǵym túsirdim. Apelásıalyq shaǵymda olardyń áreketinde qylmys quramynyń bolmaýyna baılanysty úkimdi joıyp, olardy aqtaýdy suraımyn», – dedi Davletárov.

25 shildede shyqqan sot sheshimi ázirge zańdy kúshine engen joq. Apelásıalyq shaǵymnyń naqty qashan qaralatyny belgisiz. Sot úkimine sáıkes, Perızat Qaırat 10 jylǵa, al anasy Ǵaını Alashbaeva 7 jylǵa bas bostandyǵynan aıyrylǵan. Bul is qoǵamda úlken rezonans týdyryp, áleýmettik jelilerde qyzý talqylanǵan bolatyn. Qorǵaýshy tarap istiń qaıta qaralýy ádil úkim shyǵarýǵa múmkindik beredi dep úmittenedi.