InfoHub Logo

Burynǵy qaıyrymdylyq qorynyń basshysy Perızat Qaırattyń merziminen buryn bosatylýy múmkin be degen suraqqa Qylmystyq-atqarý júıesi komıteti (QİJK) jaýap berdi. Olar sottalǵan tulǵanyń shartty túrde merziminen buryn bosatylýyna (MTSHB) qatysty naqty sharttardy túsindirdi.

Bul týraly Infohub.kz aqparat agenttigi habarlaıdy.

Perızat Qaırat 1,5 mıllıard teńgeden astam qarjyny jymqyrdy degen aıyppen 10 jylǵa bas bostandyǵynan aıyrylǵan bolatyn. Ol qazirgi ýaqytta ortasha qaýipsizdik mekemesinde jazasyn ótep jatyr.

Merziminen buryn bosatylý jáne jazany jeńildetý sharttary

QİJK málimetinshe, sottalǵan tulǵanyń MTSHB quqyǵy zańda belgilengen merzimniń belgili bir bóligin ótegennen keıin ǵana paıda bolady. Bul merzim kelgende, mekeme ákimshiligi sottalǵandy 5 kún ishinde habardar etýge mindetti.

«MTSHB-dan basqa, onyń qalǵan jazasyn neǵurlym jeńil jazaǵa aýystyrý týraly ótinish berýge de quqyǵy bolady», — dep túsindirdi vedomstvo.

Alaıda, bul proses avtomatty túrde júzege aspaıdy. Sottalǵan tulǵa ótinish beredi, ákimshilik ony sotqa jiberedi, sodan keıin sot sheshim qabyldaıdy.

Sot sheshim qabyldaǵanda nelerdi eskeredi?

Sot, sottalǵan tulǵanyń jeke basyn jáne kolonıadaǵy minez-qulqyn jan-jaqty baǵalaıdy. Sheshýshi faktorlar mynalar:

«Biz Birgemiz» qorynyń isi

Esterińizge sala keteıik, Perızat Qaırat 2024 jyldyń qarasha aıynda qamaýǵa alynǵan bolatyn. Ol sý tasqynynan zardap shekkenderge kómek retinde jınalǵan 1,5 mıllıard teńgeden astam qarajatty jymqyrdy dep aıyptaldy. Tergeý barysynda bul qarajatty ol elıtalyq jyljymaıtyn múlik, qymbat kólikter satyp alýǵa jáne shetelge saıahattaýǵa jumsaǵany anyqtaldy. Keıinnen Palestınaǵa arnalǵan qarajatty jymqyrý deregi de anyqtaldy.

Qaırat kinásin moıyndamady. Perızattyń anasy, Gaını Alashbaeva, osy is boıynsha 7 jylǵa sottalǵan.