InfoHub Logo

Petropavlda úıinen shyǵyp, habar-osharsyz ketken zeınetker sýyqtan qaıtys boldy. Bul óńirde osy qysta oryn alǵan ekinshi osyndaı qaıǵyly oqıǵa.

Bul týraly Infohub.kz aqparat agenttigi habarlaıdy.

Jaqyndary izdegen

Málimetterge súıensek, qarıa 16 aqpanda úıinen shyǵyp ketip, iz-túzsiz joǵalǵan. Keıbir derekter boıynsha, onyń jadynda problema bolǵan jáne buǵan deıin de adasyp ketken.

Polısıa tergeý júrgizýde

Oblystyq polısıa departamentiniń baspasóz qyzmeti habarlaǵandaı, áıeldiń denesi aınalma jol mańynan tabylǵan. Saraptama qorytyndysy boıynsha, ólimniń sebebi – aǵzanyń qatty sýynýy.

«İs-sharalar júrgizilip jatyr, onyń barysynda oqıǵanyń barlyq mán-jaıy anyqtalady. QR QPK-niń 201-babyna sáıkes, ózge aqparattar ázirge jarıalanbaıdy», - dep habarlady SQO PD.

Buǵan deıingi oqıǵa

Buǵan deıin Petropavlda osyǵan uqsas jaǵdaıda taǵy bir zeınetker kóz jumǵan bolatyn. 14 qańtarda 75 jastaǵy qala turǵyny úıinen birneshe mınýttyq jerde ornalasqan emhanaǵa bara jatyp, qaıtyp oralmaǵan. Erteńine tańerteń ýchaskelik ınspektor ony medısınalyq mekemege jaqyn mańdaǵy qosalqy ǵımarattardyń biriniń qorshaýynan tapqan. Áıel qatty sýyq tıgizip, aýyr halde bolǵan. Ony jedel járdem brıgadasy dereý aýrýhanaǵa jetkizgenimen, ómirin qutqarý múmkin bolmady.