InfoHub Logo

Senat depýtaty,İshki ister mınıstriniń burynǵy orynbasary Marat Qojaev elimizde kólik júrgizý kýáligin alý talaptaryn qataıtý qajet dep esepteıdi. Onyń pikirinshe, qazirgi júıe júrgizýshilerdi sapaly daıyndaýǵa múmkindik bermeıdi, al bul jol-kólik oqıǵalarynyń kóbeıýine sebep bolyp otyr.

"Qazaqstanda júrgizýshi kýáligin alý tym ońaı bolyp ketti. Damyǵan elderde kólik júrgizý úlken jaýapkershilik sanalady jáne oǵan qoıylatyn talaptar da joǵary. Biz de osy baǵytqa bet burýymyz kerek. Avtomektepterdi tolyq baqylaýǵa alyp, zańsyz kýálik alýdyń jolyn kesý qajet," – deıdi senator.

Qojaevtyń aıtýynsha, júrgizýshi mektepterine memlekettik baqylaý engizilip, oqý men emtıhan tapsyrý standarttary kúsheıtilýi tıis. Onyń pikirinshe, bul ózgerister joldaǵy tártipti nyǵaıtyp, kólik basqarý mádenıetin arttyrýǵa yqpal etedi.

Resmı málimetterge sáıkes, Qazaqstandaǵy jol-kólik oqıǵalarynyń 96%-y júrgizýshilerdiń jol erejesin buzýynan bolady. Sondyqtan depýtat bul máselege júıeli túrde qaraý kerektigin atap ótti.

"Eger júrgizýshilerdi daıyndaý sapasyn arttyryp, kýálikti zańsyz alýdyń jolyn joısaq, joldaǵy qaýipsizdik deńgeıi edáýir jaqsarady. Bizge jaýapty jáne tártipti júrgizýshiler kerek," – dedi Qojaev.

Eger zańa ózgerister qabyldansa, júrgizýshi kýáligin alý prosesi qanshalyqty qıyndaıtyny belgisiz. Biraq bir nárse anyq – jol qaýipsizdigin arttyrý máselesi kún tártibinen túspek emes.