PREZIDENT CITIC GROUP BASSHYSYMEN KEZDESTİ: SERİKTESTİKKE JAŃA SERPİN BERİLDİ
Memleket basshysy Qasym-Jomart Toqaev CITIC Group kompanıasy dırektorlar keńesiniń tóraǵasy Sı Gohýany qabyldady. Kezdesýde energetıka, munaı-hımıa, avtojol qurylysy, mıneraldy sektor, aýyl sharýashylyǵy jáne ózge de strategıalyq baǵyttardaǵy yntymaqtastyqtyń jaı-kúıi men keleshegi talqylandy.
Prezıdent Aqtaý bıtým zaýytyn jańǵyrtý jobasyn merziminen buryn aıaqtaǵany úshin CITIC Group-qa rızashylyǵyn bildirip, bul kompanıany Qazaqstannyń senimdi ınvestısıalyq seriktesi retinde joǵary baǵalady. Sondaı-aq ol eki el arasyndaǵy iskerlik baılanysty odan ári nyǵaıtý mańyzdy ekenin atap ótti.
Óz kezeginde Sı Gohýa qytaılyq korporasıanyń Qazaqstanda munaı óńdeý zaýyttaryn jańǵyrtý, munaı qubyrlaryn salý, Ortalyq – Batys avtojolyn jóndeý jáne astyqty tereń óńdeý sıaqty birqatar jobalardy birlese júzege asyrýǵa múddeli ekenin jetkizdi.
Bul kezdesý ekijaqty ekonomıkalyq baılanystardy jańa deńgeıge kóterip, birlesken jobalardyń aıasyn keńeıtýge jol ashady.
You Might Also Like
-
Qazaqstanda kúzetshilerge jańa talap qoıyldy.Budan bylaı 50 jastan asqandar mektep pen balabaqshada jumys isteı almaıdy,-dep habarlaıdy Infohub.kz tilshisi.
-
Májilis depýtaty Marat Bashımov jemqorlyqpen kúresti kúsheıtý maqsatynda Bas prokýratýraǵa jańa usynys joldady. Ol boıynsha, sheneýnik óz tabysynyń zańdy jolmen kelgenin dáleldeı almasa, memleket onyń ...
