InfoHub Logo

Reseı prezıdenti Vladımır Pýtın Qazaqstanmen aradaǵy qarym-qatynasqa qatysty pikir bildirdi. Onyń aıtýynsha, eki el arasyndaǵy kelissózder árdaıym kúrdeli ótedi.

Bul týraly Infohub.kz aqparat agenttigi habarlaıdy.

Májilis kezinde Qazaqstan TRK prezıdenti Raýshan Qajybaeva Reseı basshysynan eki el arasyndaǵy dostyq pen yntymaqtastyqqa negizdelgen birlesken málimdemeniń mańyzdylyǵyn baǵalaýdy surady. Pýtın eki el arasyndaǵy yntymaqtastyq damyp kele jatqanyn, alaıda kóptegen máseleler boıynsha kelissózderdiń ońaı bolmaıtynyn atap ótti.

Kúrdeli kelissózder

«Bizdiń qazaqstandyq dostarymyz, áriptesterimiz – ońaı áriptester emes. Bizde árbir másele boıynsha óte ótkir pikirtalas bolyp turady. Bul qarjylyq ózara qarym-qatynasqa, ónerkásiptegi baılanystarǵa, ınvestısıalyq qyzmet sharttaryna, iri jobalarǵa qatysty. Biraq eki tarap ta tek qana jarasatyn emes, ortaq maqsattarǵa jetýge yqpal etetin kompromıss tabýǵa umtylady», – dedi Pýtın.

Sonymen qatar, Reseı prezıdenti Reseı men Qazaqstandy ǵasyrlar boıy qalyptasqan qarym-qatynas, kooperasıa, kólik baılanystary jáne ortaq bilim berý keńistigi baılanystyratynyn aıtty. Ol Qasym-Jomart Toqaevqa orys tilin qoldaý jónindegi halyqaralyq uıym qurý bastamasy úshin taǵy da alǵys bildirdi.

AES qurylysy jáne jolbarystar

Reseı prezıdenti Qazaqstanda AES salý jobasy týraly da pikir bildirdi. Onyń aıtýynsha, bul joba Qazaqstanǵa óz energetıkalyq júıesin, sondaı-aq ǵylymı jáne óndiristik bazasyn damytýǵa kómektesedi.

«Eń bastysy – Qazaqstanda atom elektr stansıasynyń bloktary salynatyny emes. Eń bastysy – jańa salanyń qurylatyny. Bul kadr daıarlaýǵa, ǵylymı jáne óndiristik qyzmetke qatysty. Munyń bári birlesken jumys. Bul baǵyt bi úshin de, Qazaqstan úshin de óte mańyzdy», – dep atap ótti ol.

Sonymen qatar, Raýshan Qajybaeva Reseı prezıdentinen jolbarys popýlásıasyn qalpyna keltirý jobasy týraly surady. Bul taqyryp qazirgi ýaqytta Qazaqstanda ózekti máselelerdiń biri bolyp otyr.

Pýtın bul jobany tabıǵatty qalpyna keltirý jáne sırek kezdesetin janýarlar túrlerin saqtaý jumysynyń bir bóligi dep atady. Ol Reseıdiń basqa eldermen osyndaı baǵdarlamalarǵa qatysqanyn eske saldy. Atap aıtqanda, Tájikstan Reseıge qar barystaryn bergen.

«Mysaly, Tájikstannan bizge qar barystaryn berdi, bul úshin biz tájikstandyq dostarymyzǵa óte rızamyz. Biz Amýr jolbarystarynyń popýlásıasyn saqtaý úshin kóp jumys jasadyq. Bul, aıtpaqshy, álemdegi eń iri jolbarystar. Olardan úlkeni joq. Buryn Qazaqstanda da osyndaı jolbarystar bolǵan», – dedi Pýtın.

Eger Reseı Qazaqstanǵa jolbarys popýlásıasyn qalpyna keltirýge kómektese alatyn bolsa, ol bul isti atqaratynyn aıtty. Sondaı-aq, Reseıde buǵan deıin osy janýarlardy saqtaýǵa arnalǵan halyqaralyq «jolbarys samıtiniń» ótkenin eske saldy.