tengrinews.kz
Qamshybek Tashıev Qyrǵyzstanǵa oraldy
Qyrǵyzstannyń Ulttyq qaýipsizdik komıtetiniń burynǵy basshysy Kamshybek Tashıev elge oraldy. Ol 13 aqpanǵa qaraǵan túnde «Manas» halyqaralyq áýejaıyna kelgeni habarlandy. Jýrnalıser odan suraq qoıýǵa úlgermegen.
Buǵan deıin Tashıevtiń jaqtastary saıasatkerdiń emdeý kýrsy aıaqtalmaǵanyna qaramastan, Qyrǵyzstanǵa oralý týraly sheshim qabyldaǵanyn habarlaǵan.
Eske sala keteıik, 10 aqpanda Qyrǵyzstan prezıdenti Sadyr Japarovtyń jarlyǵymen Kamshybek Tashıev Qyrǵyzstan mınıstrler kabıneti tóraǵasynyń orynbasary – Ulttyq qaýipsizdik komıtetiniń tóraǵasy qyzmetinen bosatylǵan bolatyn.
Prezıdenttiń baspasóz qyzmetiniń habarlaýynsha, Sadyr Japarov bul qadamnyń basty maqsaty – memlekettiń birligin nyǵaıtý jáne qoǵamda, sonyń ishinde memlekettik qurylymdar arasynda iritkiniń aldyn alý ekenin atap ótken.
Keıinirek prezıdenttiń baspasóz hatshysy Tashıevtiń ózi emes, onyń jaqyn aınalasyndaǵy adamdardyń áreketteri shıelenis týdyrǵanyn naqtylady. Olar depýtattarǵa habarlasyp, «generaldyń jaǵyna shyǵýǵa» jáne «prezıdent saılaýyn qaıta bastaýǵa» shaqyrǵan.
Tashıevtiń ózi prezıdenttiń ruqsatymen burynǵy otaýdan keıingi tekserý úshin shetelge shyqqanyn aıtty. Qyzmetinen bosatylý týraly sheshim ózi úshin kútpegen jaǵdaı bolǵanyn atap ótti. Degenmen, memleket basshysynyń sheshimin oryndaý kerektigin basa aıtty.
-
Qazgıdromettiń boljamy boıynsha, eldiń kóp bóliginde jaýyn-shashynsyz aýa raıy saqtalady, biraq ońtústik pen ońtústik-shyǵysta jańbyr men qar jaýady.
-
Former National Security Committee head Kamchybek Tashiev has returned to Kyrgyzstan following his dismissal from a key government post.
