InfoHub Logo

Belgili ánshi, Qazaqstannyń halyq ártisi Maqpal Júnisovaǵa Almaty jáne Jambyl oblystaryn basqarǵan eks-ákim Serik Úmbetov soǵym syılady. Bul týraly ánshi óziniń áleýmettik jelisinde bólisip, rızashylyǵyn bildirdi.

Bul týraly Infohub.kz aqparat agenttigi habarlaıdy.

Erekshe syılyq

Maqpal Júnisova Serik Úmbetovti óziniń erekshe qurmetteıtin «aǵasy» dep atap, onyń únemi qamqorlyq tanytyp, qoldaý kórsetip otyratynyn aıtty. Ánshiniń aıtýynsha, eks-ákim ony «qansha jyl ótse de umytpaıdy».

«Mine, Serik aǵamyz jibergen soǵym. Qazysyn kórińizder! Serik Úmbetov – men erekshe qurmetteıtin, syılaıtyn aǵam. Zákeń de ony qatty syılaıtyn. Qansha jyl ótse de meni umytpaıdy. Jeńgemiz ekeýi únemi kómektesip turady. Alla razy bolsyn. Máke, as bolsyn! Konsert aldynda bir qazy jep alaıyn dep otyrmyn», – dep ázildedi ánshi.

Maqpal Júnisova týraly

Maqpal Muhamedıarqyzy Júnisova – qazaq estradasynyń tanymal tulǵasy. Ol 1963 jyly Qaraǵandy oblysy, Qarqaraly aýdanyndaǵy Terekti aýylynda dúnıege kelgen. 1981 jyldan beri «Qazaqkonsert» birlestiginiń solısi retinde sahnada.

Ánshi 22 jasynda Qazaqstannyń eńbek sińirgen ártisi, 31 jasynda Qazaqstannyń Halyq ártisi ataǵyn alǵan. Ol lırıkalyq soprano daýysymen tanylyp, halyq ánderin, romanstar men jaz shyǵarmalaryn oryndap keledi. Qazirgi tańda «Qazaq estradasynyń prımadonnasy», «Orta Azıa bulbuly» atanyp júr.