f.azh.kz
Qaraǵandy – Jezqazǵan avtojolynyń qurylysyna AQSH-ta irgetas qalandy
Amerıka Qurama Shtattarynda Qazaqstannyń mańyzdy ınfraqurylymdyq jobasy – Qaraǵandy men Jezqazǵandy baılanystyratyn avtojoldyń qurylysyna qarjy bólý týraly kelisimge qol qoıyldy. Bul kelisimge «QazAvtoJol» UK» AQ, Halyqaralyq rekonstrýksıa jáne damý banki men Azıa ınfraqurylymdyq ınvestısıalar banki arasynda qol jetkizildi.
Bul týraly Infohub.kz aqparat agenttigi habarlaıdy.
Joba Qazaqstannyń kólik ınfraqurylymyn damytýǵa, tranzıttik áleýetin arttyrýǵa jáne óńirler arasyndaǵy baılanysty jaqsartýǵa baǵyttalǵan. Jańa joldyń arqasynda júrý ýaqyty aıtarlyqtaı qysqaryp, qozǵalys qaýipsizdigi artyp, Ortalyq Qazaqstannyń ekonomıkalyq damýyna serpin beredi dep kútilýde.
Jobanyń egjeı-tegjeıi
Jobany júzege asyrý merzimi 2025-2028 jyldarǵa josparlanǵan. Avtojoldyń uzyndyǵy 457 shaqyrymdy quraıdy. Jobanyń jalpy quny – 650 mıllıard teńge.
Qazirgi tańda konkýrstyq rásimder aıaqtalýǵa jaqyn. Bıyldyń ózinde jobalaý jáne qurylys jumystaryn bastaý kózdelýde.
Ekonomıkalyq jáne áleýmettik áseri
Jańa jol tek kólik qatynasyn ǵana emes, sonymen qatar óńirdiń logıstıkasyn, ınvestısıalyq tartymdylyǵyn arttyryp, jańa jumys oryndaryn ashýǵa yqpal etedi.
Sonymen qatar, kezdesý barysynda kólik, energetıka, sý resýrstary jáne sıfrlandyrý salalaryndaǵy basqa da ınfraqurylymdyq bastamalar talqylandy. Olardyń qatarynda Aral teńiziniń soltústik bóligin qalpyna keltirý, Beıneý – Saqsaýyl jolyn salý jáne temirjol baılanysyn damytý jobalary bar.
Eldiń turaqty ekonomıkalyq ósimi úshin mańyzdy sanalatyn energetıka jáne komýnaldyq sektorlardy jańǵyrtý jónindegi ulttyq jobaǵa da erekshe nazar aýdaryldy.
-
Pentagon nachal podgotovký k vozmojnym voennym deıstvıam na Kýbe. Belyı dom rassmatrıvaet novye shagı v otnoshenıı ostrova.
-
A significant agreement has been signed in the US to finance the construction of a vital highway connecting Karaganda and Zhezkazgan, boosting Kazakhstan's transit potential and regional development.
