Genprokýratýra
Qaraǵandy oblysyna jańa prokýror taǵaıyndaldy
Qaraǵandy oblysynyń prokýratýrasyn basqarý tizgini tájirıbeli zańger Murat Tileýberdıevke senip tapsyryldy. Ol buǵan deıin Túrkistan oblysynyń prokýratýrasyn basqarǵan bolatyn.
Bul týraly Infohub.kz aqparat agenttigi habarlaıdy.
Murat Tileýberdıevtiń qyzmet joly
1973 jyly 20 qarashada Almaty oblysy Qaskeleń aýdanynda dúnıege kelgen Murat Ajymuratuly Tileýberdıevtiń zańgerlik bilimi bar. Ol Qazaq memlekettik zań ýnıversıtetin «Quqyqtaný» mamandyǵy boıynsha tamamdaǵan.
Prokýratýra organdaryndaǵy qyzmetin 1999 jyly Almaty qalasy Bostandyq aýdany prokýrorynyń kómekshisi qyzmetinen bastaǵan. Jyldar boıy ol qatardaǵy qyzmetkerden bastap, basqarma bastyǵyna deıingi laýazymdardy atqardy.
Túrli jyldary Almaty qalasy prokýratýrasynyń bólim jáne basqarma bastyǵy qyzmetterin atqarǵan. 2018 jyldyń sáýirinen bastap Almaty qalasynyń Áýezov jáne Almaly aýdandarynyń prokýrory, sondaı-aq Almaty qalasy prokýrorynyń orynbasary boldy.
Keıinnen Qazaqstan Respýblıkasy Bas prokýratýrasynyń kadrlyq damý departamentin basqardy. 2023 jyldyń mamyrynan bastap Túrkistan oblysynyń prokýrory qyzmetin atqardy.
Marapattary
Murat Tileýberdıev «Aıbyn» ordenimen marapattalǵan.
Buǵan deıin Túrkistan oblysynyń prokýrory bolyp Baýyrjan Myrzakerov taǵaıyndalǵany habarlanǵan edi.
-
Konstıtýsıonnyı sýd Kazahstana rekomendoval vnestı ızmenenıa v Trýdovoı kodeks, kasaıýshıesá srokov davnostı po trýdovym sporam o zarplate.
-
Murat Tleuberdiev, a seasoned legal professional, has been appointed as the new prosecutor for the Karaganda region, bringing extensive experience from his previous role.
