InfoHub Logo

Symbatty jińishke aıaqtary bar, ásem juptuıaqty janýar (denesiniń uzyndyǵy 1 m, shoqtyǵynyń bıiktigi 60-75 sm). Atalyǵynyń basynda uzyndyǵy 40 sm jińishke múıizi bolady, analyǵy múıizsiz. Shól ómirine jaqsy beıimdelgen jáne uzaq ýaqyt boıy sý ishpeı júre beredi, biraq túıemen salystyrýǵa bolmaıdy. Kóktemde jáne jazdyń birinshi jartysynda azdaǵan top bolyp júredi, kúzge jaqyn, qysta úlken úıir birneshe júzdegen bas bolyp jınalady. 5-6 aı býazdyqtan keıin, ádette mamyrdyń basynda, analyǵy 1-2 tólin dúnıege ákeledi. Tóli alǵashqy kúnderi sýyq pen bóten kózden butalardyń yǵy men oı-shuńqyrlarǵa tyǵylady. Qaraquıryqtyń jaýlary — qasqyr, túlki, tólderin keıde qyran, búrkitter alady, degenmen eń úlken qaýip — myltyqty adam. Ásirese túnde mashına jaryǵymen qaraquıryqty aýlaý, keń taralǵan brakonerlik ań aýlaý ádisi, jaryqqa kózderi shaǵylysqan janýarlar dármensiz bolyp, bir ornynda turyp qalady. Osylaı qaraquıryqtyń sany kúrt azaıyp, ulttyq qana emes, Halyqaralyq Qyzyl kitapqa da engizildi. Sońǵy jyldary Qazaqstanda bul janýardyń sany jaılap ósip keledi.

Oqýǵa keńes beremiz:

Arqar

Taýteke

Aqbóken

Ústirt arqary

Qyzyl kitapqa engen janýarlar (omyrtqalylar)

---