InfoHub Logo

Qarym - qatynasty damytýǵa arnalǵan jattyǵýlar
“Bet - álpetti eske saqtaý” Ózińdi qorshaǵan adamdardyń bet - álpetin saqtaýǵa daǵdylan. Qarap al da, kózińdi jum, kórgenińdi túgeldeı eske túsir. Tolyq eske túsirýge qınalsań, qaıta qara. Osylaısha birneshe ret qaıtala.
“Ol qalaı kúledi?” Bet júzine qarap, adamnyń qalaısha kúletinin, jylaıtynyn kóz aldyńa elestet. Óziniń jaqsy kórgenin, súıispenshiligin, mahabatyn qalaı bildiredi? Abyrjyp, sasqan kezde qandaı? Ol qýlana ma, álde sytylyp, qutylyp shyǵa ma? Qalaı dórekilik kórsetedi? Ursysa ma? Ókpelegende qandaı? Ol buryn qalaı kórinetin edi? Keıin qandaı bolady?

“Men basqalardyń kózimen” Ár túrli jaǵdaıattarda jáne ár túrli adamdarmen ózińniń áńgimelesýshiniń kózimen qaraǵanda qalaı kórinetinińdi elestýge tyrys. Sen qalaı áser etesiń? Ol sen týraly ne oılaıdy?

“Ózińdi baǵalaý” Neǵurlym baǵalaýshy bolýdan góri, baǵalanýshy bolǵan jón. Aınalańdaǵylar senen ne kútedi? Oǵan senimen jaqsy ma? Nger bireý qatelik jiberse, sol qatelikke emes, oǵan ózińniń reaksıańdy qalaı bolatynyna nazar aýdar.

“Kóńil - kúıge ortaqtasý” Jeke taqyrypta áńgimelese otyryp, ózińmen áńgimelesýshini uqypty tyńdaýǵa tyrys. Eger ol saǵan kóńil syryn senip ashsa, ózińdikin aıtyp jaryspa, bólip tastama, kóńil - kúıine ortaqtas, ózińdi onyń orynya qoıyp kór.

“Qoshtaý” Balalarǵa kóz salyp qara, olardyń is - áreketterin baqyla, ony qoshtaý múmkindikterin jiberme.

“Kúlki” Bet - júzińde árdaım kúlkiniń taby turýyn, jyly keıipti, meıirimdi júzdi, aqjarqyn qalryńdy saqtaýǵa úıren. Kúlkiń kelmese de, oǵan árýaqytta daıyn bol. Árdaıym ishki dúnıeń kúlip turǵany jón.

“Saǵan amanshylyq tileımin” Kez - kelgen adammen kezdesken kezde alǵashqy sóziń (ishki tilegiń) “Saǵan amanshylyq tileımin” bolýy kerek. Muny oǵan bar jan - júregińmen syıla! Eger sen bireýmen daý - janjalǵa túsip, ursysyp qalatyn bolsań, “Saǵan amanshylyq tileımin” degendi dereý esińe túsirip, qaıtalaıtyn bol.

“Jańa túrge ený” Ózińdi basqa adamnyń ornynda sezinip kór. Sen - ol ekenin kóz aldyńa elestet. Onyń syrt kelbetin taýyp al, onyń ishki álemine az - maz enip baıqa. Onyń júris - turysyn, mımıkasyn, qozǵalystaryn salyp kór. Jańa túrge tús, onyń sezimderi men oılarymen astasyp ómir súrýge tyrys.

“Najaǵaı qaýpi joq” Ózińniń jaǵymsyz emosıańdy tejeýge tyrys. Saǵan ony tejeý qandaı qıyn bolsa, aınalańdaǵylarǵa ony bastan keshirý sondaı qıyn. Urysysyp - kerispeýdi, kúńkildep - jylamaýdy úıren. Bir apta boıy barlyǵyn keshirýge, bárin túsinýge, eshkimdi synamaýǵa, eskertý aıtpaýǵa, kinálamaýǵa tyrys. Múmkin odan da uzaǵyraq osylaı istersiń?