InfoHub Logo

Qazaqstannyń memlekettik keńesshisi Erlan Qarın jańa Konstıtýsıa jobasynda qazaq tili jalǵyz memlekettik til mártebesin saqtaıtynyn málimdedi. Bul málimdeme Konstıtýsıalyq reforma jónindegi komısıanyń otyrysynda jasaldy.

Bul týraly Infohub.kz aqparat agenttigi habarlaıdy.

Qazaq tiliniń mártebesi

Qarınniń aıtýynsha, jańa Konstıtýsıa jobasynda «Konstıtýsıalyq qurylys negizderi» dep atalatyn bólimde Qazaqstan Respýblıkasynyń memlekettik tili retinde qazaq tili naqty kórsetilgen. Ol elimizde bir ǵana memlekettik til bar ekenin atap ótti.

«Jańa Konstıtýsıada memlekettik til máselesi eshqandaı kúmán týdyrmaıtyndaı etip aıqyn jazylǵan. Bizde memlekettik til bireý ǵana. Ol — qazaq tili. Ózge memlekettik til joq», – dedi Qarın.

Memlekettilik pen birlik

Erlan Qarın qazaq tiliniń mártebesi berik ekenin aıtyp, memlekettilikti saqtaý men el birliginiń mańyzdylyǵyna erekshe toqtaldy.

«Memleketimiz bar kezde qazaq tili óz tuǵyrynan eshqashan túspeıdi. Sondyqtan eń basty mindet — memleketti saqtaý, ony qorǵaý jáne eń aldymen el birligin oılaý», - dedi memlekettik keńesshi.

Jańa Konstıtýsıa jobasy

Qazaqstanda Konstıtýsıanyń jańa jobasy qazir keńinen talqylanyp jatyr. Jańa Konstıtýsıanyń jobasy 11 bólimnen, 95 baptan turady. Burynǵy Konstıtýsıadaǵy normalardyń shamamen 84 paıyzy jańartylǵan.