InfoHub Logo

Qazaqstan Respýblıkasy Qarjy mınıstrliginiń vıse-mınıstri Erjan Bırjanov qarapaıym azamattar arasyndaǵy aqsha aýdarymdaryna qatysty jańa erejeler týraly qaıta habarlady. Onyń aıtýynsha, dostar men týystar arasyndaǵy, tipti kofe nemese túski as úshin jasalǵan shaǵyn tólemder kásipkerlik qyzmet retinde qarastyrylmaıdy jáne salyq baqylaýyna alynbaıdy.

Bul týraly Infohub.kz aqparat agenttigi habarlaıdy.

«Biz bankterden birinshi toqsannyń derekterin belgilengen táýekel krıterıılerine sáıkes alamyz. Iaǵnı, bankter «qyzyl belgi» qoıylǵan operasıalar boıynsha málimetterdi bizge usynady», - dedi vıse-mınıstr úkimette ótken brıfıńte.

Ol sondaı-aq, bul derekter kameraldyq baqylaý aıasynda qoldanylatynyn jáne qajet bolǵan jaǵdaıda azamattarǵa habarlama jiberiletinin túsindirdi. Habarlamany oryndaý úshin salyq eseptiligin usyný nemese túsinikteme berý qajet bolady.

Alaıda, Bırjanov bytyrańqy, kúndelikti aýdarymdardyń bul sanatqa ilinbeıtinin atap ótti. Onyń sózinshe, kásipkerlik qyzmetti anyqtaıtyn krıterııler óte kóp jáne olardyń barlyǵy bir mezgilde oryndalýy tıis.

Aýyldaǵy toıǵa nemese týysqa berilgen aqsha da tekserilmeıdi

Vıse-mınıstr týǵan kúnge, otbasylyq merekelerge nemese uıym ishindegi ujymdyq jıyndarǵa qatysty aqshalaı aýdarymdar da kásipkerlikpen baılanysty bolmasa, esepke alynbaıtynyn naqtylady. Tipti, jeke tulǵa retinde tirkelgen azamattyń jeke kartasyna aqsha tússe de, bul onyń bıznes tabysy retinde qabyldanbaıdy.

«Eger ol jeke tulǵa retinde karta ashsa, biraq jeke kásipker bolyp tabylatyn bolsa jáne oǵan týǵan kúnine nemese toıyna aqsha syıǵa berilse, biz muny kóremiz. Biraq ony kásipkerlik qyzmet dep sanamaımyz», - dep sendirdi Bırjanov.

Ol eger kásipkerlik belgileri baıqalmasa, eshbir qazaqstandyq azamat jańa erejelerden zardap shekpeıtinine kepildik berdi.

Salyq organdary jeke tulǵalarǵa qashan qyzyǵýshylyq tanytýy múmkin?

Qarjy mınıstrligi 2025 jyldyń 12 qarashasynda uıaly aýdarymdar boıynsha jańa krıterıılerdi engizgen bolatyn. Buǵan deıin úsh aı ishinde 100-den astam ártúrli tulǵadan aýdarym qabyldaý kásipkerlik qyzmettiń belgisi sanalsa, endi 2026 jyldyń 1 qańtarynan bastap qosymsha shekteý – 12 eń tómengi jalaqy (1 020 000 teńge) engizildi.

Bul degenimiz, salyq organdary jeke tulǵany kelesi úsh krıterıı sáıkes kelgen jaǵdaıda ǵana teksere alady:

Mysaly:

Eger 2026 jyldyń qańtar-naýryz aılary aralyǵynda bir adam óziniń jeke kartasyna taýarlar men qyzmetter úshin turaqty aqsha qabyldap, úsh aı ishinde:

onda salyq organdary túsinikteme surap, bul qyzmettiń kásipkerlik ekenin nemese emestigin tekseretin bolady.