InfoHub Logo

^{Anatolıı Brýshkov}

Iakýtıanyń Mamont taýy etegindegi muzdyqtardan Bacillus F ataýy berilgen 3,5 mıllıon jyldyq bakterıa anyqtaldy. 2009 jyly osy jańalyqty ashqan ǵylymı toptyń jetekshisi MGÝ profesory Anatolıı Brýshkov 4 jyl boıy júrgizgen zertteýlerinde bakterıanyń jasýshalardy jasartatyn jáne ımýnıtetti qýattandyratyn erekshelikteri baryn anyqtady. 2012 jyly jasaǵan zertteýlerinde labaratorıalyq tyshqandardy testileý arqyly bul málimdemesiniń durys ekenin dáleldegen Brýshkov 3 jyl buryn bakterıany ózine synap kóripti. Aqparat quraldaryna bergen suhbatynda Anatolıı Brýshkov ózine jasaǵan zertteýiniń áserin bylaı baıandaıdy:

«Bakterıany qabyldaǵannan keıin buryńǵydaı sharshamaıtyn boldym. Kóbirek jumys isteı bastadym. Sońǵy eki jylda aýyrý bylaı tursyn, tipti tumaýǵa da shaldyqpadym. Biraq bul meni qyzyqtyratyn nátıje emes dep oılaımyn. Eger biz bul erekshe kletkanyń mehanızmin, qalaısha qartaımaıtynyn anyqtaı alsaq, mine sonda bul resýrstardy durys qoldanyp, ómir jasty meılinshe ulǵaıtýǵa baǵyttar edik.»

Brýshkov Iakýtıadaǵy jergilikti halyqtyń uzaq ómir súrýiniń syry osy bakterıalarda dep sanaıdy. Erigen, synǵan muzdyqtardan shyqqan bakterıalar qorshaǵan ortaǵa taralyp, sý, kólder, sý jelileri arqyly jergilikti halyqqa bolymdy áser etetindikten bul bakterıalardyń paıdasy bolmasa zıany joqtyǵyn esepteıtinin málimdedi. 

---