Tengrinews.kz / Týrar Kazangapov
Qasym-Jomart Toqaev kezekti prezıdent saılaýynyń merzimin aıtty
Qazaqstan prezıdenti Qasym-Jomart Toqaev vıse-prezıdent laýazymynyń ne úshin qajettigi týraly suraqqa jaýap berdi. Sondaı-aq, ol konstıtýsıalyq reformanyń bılik tranzıtine jáne aldaǵy prezıdent saılaýyna daıyndyq ekeni týraly pikirlerge qatysty pikirin bildirdi.
Bul týraly Infohub.kz aqparat agenttigi habarlaıdy.
«Vıse-prezıdent laýazymyna qatysty túrli pikirlerdiń júrip jatqanyn bilemin. Rasynda, birqatar shetelde mundaı laýazym bar. Keıbir sarapshylar Qazaqstanda bılikte básekelestik kúsheıip, alańdaýshylyq týdyratyn túrli úrdisterdiń órship jatqanyn aıtady. Alaıda, bul qoǵamǵa teris áser etedi dep eshqandaı alańdaýshylyqqa negiz joq. Vıse-prezıdent laýazymyn qurý memlekettik bılik ınstıtýttaryn nyǵaıtady, muny bolashaqta kórýge bolady. Men prezıdent retinde bul laýazymǵa, sondaı-aq barlyq reformalarǵa úlken úmit artamyn. Al kelesi prezıdent saılaýy ádettegideı, qoldanystaǵy Konstıtýsıada belgilengen merzimde, ıaǵnı 2029 jyly ótedi», — dep jaýap berdi Qasym-Jomart Toqaev.
Eske sala keteıik, jańa Konstıtýsıa jobasy boıynsha referendýmda daýys bergennen keıin Prezıdent BAQ ókilderine arnalǵan brıfıń ótkizdi.
Atap aıtqanda, Memleket basshysy jańa Konstıtýsıany daıyndaý merzimine qatysty synǵa jaýap berdi.
-
Qazaqstan Prezıdenti Qasym-Jomart Toqaev vıse-prezıdent laýazymy men bılik tranzıti týraly qaýesetterge qatysty pikir bildirdi.
-
Kazakhstan's Foreign Minister commented on a popular meme that emerged during the evacuation of citizens from Eastern countries, emphasizing the government's commitment to its people.
