InfoHub Logo

Astanada Qazaqstan Prezıdenti Qasym-Jomart Toqaev pen Vetnam Komýnıstik partıasy Ortalyq komıtetiniń Bas hatshysy To Lam arasynda shaǵyn quramda kelissózder ótti. Memleket basshysy bul sapardy eki el arasyndaǵy dostyqtyń sımvoly dep baǵalady.

– Vetnam – Qazaqstannyń Azıadaǵy mańyzdy seriktesi. Biz ortaq maqsattarǵa jetý jolynda birlesip áreket etýge daıynbyz. Aldaǵy aıda dıplomatıalyq qarym-qatynasymyzdyń ornaǵanyna 33 jyl tolady, – dedi Prezıdent.

To Lam qazaq elinde kórsetilgen qonaqjaılylyq úshin rızashylyq bildirip, kelissózder ekijaqty baılanysty odan ári nyǵaıtatynyna senim bildirdi.

– Sizdiń Vetnamǵa jasaǵan saparyńyzdan keıin bizdiń eldiń Qazaqstanǵa arnaıy kelýi – memleketterimiz arasyndaǵy senim men seriktestiktiń naqty kórsetkishi. Qazaqstan – Vetnamnyń Ortalyq Azıadaǵy alǵashqy strategıalyq seriktesi bolady, – dedi To Lam.