InfoHub Logo

Belgili telejúrgizýshi ári bloger Láılá Sultanqyzy adam tanymastaı ózgerip, áleýmettik jelide qyzý talqyǵa tústi. Onyń jańa beınesin kórgen kópshilik tańdanysyn jasyra almady.

Bul týraly Infohub.kz aqparat agenttigi habarlaıdy.

Jańa obrazdyń syry

Láılá Sultanqyzy óziniń paraqshasyna jańa obrazdaǵy sýretterin jarıalap, oqyrmandaryna erekshe jazba arnady. Ol ózgerisiniń syry «askeza» tásilinde ekenin aıtty. Bul – óz-ózińmen kelisim jasap, belgili bir ýaqytqa naqty shekteý qoıý arqyly maqsatqa jetýdiń joly.

«Men nege osyndaımyn? Bul post – erik-jigeri álsizderge arnalǵan. Shynymdy aıtsam, bul tásil ózin jeńý qıyn adamdarǵa jaqsy kómektesedi. Mysaly, men biraz ýaqyttan beri tátti jemeımin, kola ishpeımin, jaıaý júremin, jaman oıdy jaqsyǵa aınaldyramyn, ýaqytynda uıyqtaımyn. Muny jaı ZOJ retinde emes, armanǵa negizdep qoıdym: 10 kún, 2 apta ne 1 aı. Ózimmen kelisimshartqa otyrǵandaı…» – dep jazdy ol.

«Stop» tetigi

Telejúrgizýshi sanasyna «buzsam, nıetim oryndalmaıdy» degen oıdy ornatqanyn aıtady. Onyń sózinshe, bul tásil «toqtaý» tetigi sekildi áser etedi.

«Nátıje? Salmaq ketti, bet tazardy. Uıqym durystaldy. Eń bastysy, ózime degen senim paıda boldy. Baıqap kórińizder. Al sizde qandaı «askeza» boldy? Aıtpaqshy, temeki tartatyn tanys jigit te osylaısha tastap ketti», – dedi Láılá Sultanqyzy.

Jeli qoldanýshylary blogerdiń ózgerisin joǵary baǵalap, erik-jiger men ózin-ózi damytý taqyrybyndaǵy jazbasyna belsendi túrde pikir qaldyrýda.