InfoHub Logo

Maqsaty: Qazaq tilinen bilimderin jetildirý, ótken taqyryptar boıynsha sózdik qorlaryn baqylap, qarapaıym sóılemder qurastyrý, dıalog túrinde áńgimelesý. Sózdik qorlaryn, este saqtaý qabiletterin damytý. Halyq pedagogıkasyn nasıhattaı otyryp, qazaq tiline degen qurmet pen qyzyǵýshylyqqa tárbıeleý.
Kórnekilikter: kartochkalar, sýretter, geometrıalyq pishinder
Ádis - tásilder: túsindirý, áńgimelesý, suraq - jaýap
Muǵalim: Balalar, aldymen sálemdesip alaıyq.
Araılap tań atty,
Altyn sáýle taratty.
Jarqyraıdy qalamyz,
Jarqyraıdy dalamyz,
Qaıyrly tań balalar,
Qaıyrly tań qonaqtar!
Muǵalim: Balalar, búgingi oıyn - saýyǵymyzdyń taqyryby «Qazaq tilin bilemin».

1 - tapsyrma. Suraqtar:
1. Biz qaı Respýblıkada turamyz?
2. Respýblıkamyzdyń astanasy qaı qala?
3. Qazaqstan Respýblıkasynyń rámizderin ata?
- Óte jaqsy, jaraısyńdar.

2 - tapsyrma. Matematıkalyq álem.
1. 1 - 10 - ǵa deıin sanaý
2. Geometrıalyq pishinderdi ataý.

3 - tapsyrma. Otbasy.
1 Seniń otbasyńda neshe adam bar?
2 «Kim joq?» dıdaktıkalyq oıyn barysynda balalar «Mynaý kim?» degen suraqqa ( ata, áje, t. b.) jaýap beredi. Balalar kórsetken sýretter taqtaǵa ilinedi. Balalar kózin jumǵan kezde bir sýretti alyp «Kim joq?» degen suraqqa balalardan jaýap alynady.

4 - tapsyrma. «Úı janýarlary»
1. «Dybysynan tany» dıdaktıkalyq oıyn.
2. «Úı janýarlarynyń tólderin ata» dıdaktıkalyq oıyn
3. «Bul ne?» degen suraqqa jaýap alynady.
Sergitý sáti
Ońǵa qaraı túzý tur,
Solǵa qaraı túzý tur.
Alǵa qaraı bir adym,
Artqa qaraı bir adym,
Joǵary tómen qaraıyq,
Ornymyzdy tabaıyq.

5 - tapsyrma. «Polıglot»
Sýrettegi sózderdi oryssha - qazaqsha aıtý.
Sıyr - korova
It - sobaka
Shyrsha - elka
Aıaz ata - Ded Moroz
Qasyq - lojka
Kese - pıala
Jeıde - rýbashka t. b.
6 - tapsyrma. «Kóńildi dop» dıdaktıkalyq oıyny. Balalar dopty bir - birine laqtyrý arqyly jabaıy ańdardyń attaryn ataıdy.

Qorytyndy
Muǵalim: Mine, balalar osymen bizdiń oıyn - saýyǵymyz aıaqtaldy. Tapsyrmalardy báriń de durys oryndadyńdar. Senderge túrli - tústi sharlardy syılyqqa tartý etemin.