InfoHub Logo

Elimizde ekologıalyq jaǵdaıdy jaqsartýǵa baǵyttalǵan «Taza Qazaqstan» atty aýqymdy aksıasy bastaldy. Bul bastamany «Qazaqmys» korporasıasy da qoldap, óz jumys isteıtin aımaqtarynda senbilikter ótkizýdi bastap ketti. Aksıa sáýirden mamyr aıyna deıin jalǵasady.

Bul týraly Infohub.kz aqparat agenttigi habarlaıdy.

Aımaqtardy abattandyrý jumystary

«Qazaqmys» kompanıasy tek óndiristik aýmaqtardaǵy tazalyqqa ǵana emes, sonymen qatar qala men eldi mekenderdi kógaldandyrýǵa da erekshe mán beredi. Aksıa aıasynda kompanıa qyzmetkerleri kóshelerdi, irgeles aýmaqtardy jáne qoǵamdyq oryndardy tazalaýǵa belsendi atsalysýda.

Aýqymdy senbilikter

Sáýirdiń 2-4 kúnderi aralyǵynda Jezqazǵan, Qaraǵandy, Sátbaev jáne Balqash qalalarynda aýqymdy senbilikter uıymdastyryldy. Bul sharalarǵa «Qazaqmys» korporasıasy, Kazakhmys Smelting, Kazakhmys Maintenance Services, KLMZ, Kazakhmys Barlau, kolejder, ZhezAir, Jezqazǵan medısınalyq ortalyǵy kompanıalarynan 1100-den astam qyzmetker qatysty. Jumystarǵa shamamen 100 birlik arnaıy tehnıka jumyldyrylyp, 95 tonnaǵa jýyq qoqys shyǵaryldy.

Senbilikter barysynda óndiristik aımaqtardyń mańaıy, jol boılary tazartylyp, qoqystar shyǵaryldy. Sondaı-aq, kógaldandyrý jáne aǵash otyrǵyzý úshin topyraq daıyndaý jumystary da atqaryldy. Arnaıy tehnıkalardyń kómegimen iri kólemdi qaldyqtardy shyǵarý jumystary tıimdi júrgizildi.

Ekologıalyq saıasattyń bir bóligi

«Taza Qazaqstan» aksıasyna qatysý – bul «Qazaqmys» kompanıasynyń turaqty ekologıalyq saıasatynyń mańyzdy bóligi. Júıeli túrde ótkiziletin senbilikter tek tazalyqty saqtaýǵa ǵana emes, sonymen qatar qorshaǵan ortaǵa degen jaýapkershilikti arttyrýǵa baǵyttalǵan.