InfoHub Logo

Qazaqstan 2026 jylǵa arnalǵan jalpy ishki ónim (JİÓ) boıynsha álemdegi eń iri 50 ekonomıkanyń qataryna kirdi. Bul týraly Visual Capitalist analıtıkalyq platformasynyń jarıalaǵan reıtıńinde aıtylady.

Bul týraly Infohub.kz aqparat agenttigi habarlaıdy.

Álemdik ekonomıkanyń boljamy

Halyqaralyq valúta qorynyń (HVQ) boljamy boıynsha, 2026 jyly álemdik ekonomıkanyń kólemi 123,6 trıllıon dollarǵa jetedi dep kútilýde. AQSH ekonomıkasy 31,8 trıllıon dollarǵa, al Qytaı JİÓ-i 20,7 trıllıon dollarǵa jetedi dep josparlanǵan.

Indıanyń ósýi jáne basqa da ózgerister

AQSH, Qytaı jáne Germanıa JİÓ kólemi boıynsha álemdegi eń iri ekonomıkalar qatarynda qala bergenimen, ósý qarqyny ártúrli. Boljam boıynsha, Indıa JİÓ-niń 6,2 paıyzdyq ósimi arqasynda Japonıany basyp ozyp, álemdegi tórtinshi iri ekonomıkaǵa aınalady. 2020 jyldan beri Indıa JİÓ boıynsha Ulybrıtanıany da artqa tastaǵan.

Sonymen qatar, Avstralıa Ońtústik Koreıany yǵystyryp, álemdegi eń iri ekonomıkalar arasynda 14-shi oryn alady. Bangladesh ekonomıkanyń 4,9 paıyzdyq ósimi aıasynda Vetnamdy basyp ozyp, 33-shi orynǵa kóteriledi.

Qazaqstannyń orny

Reıtıńke sáıkes, Qazaqstan 320 mıllıard dollar nomınaldy JİÓ-men 50-shi orynǵa ornalasyp, álemdegi eń iri ekonomıkalar tizimin qorytyndylaıdy.

Ótken jyldyń kúzinde Qazaqstannyń JİÓ boıynsha TMD elderi arasynda kóshbasshy bolyp qalatyny habarlanǵan edi. Bul týraly HVQ derekteri kórsetti.

Qańtar aıynda HVQ Qazaqstan ekonomıkasynyń qyzyp ketý qaýpi týraly eskertken bolatyn.