InfoHub Logo

Bıyl, 28 naýryzda, Qazaqstan taǵy da jahandyq ekologıalyq qozǵalys – "Jer saǵaty" aksıasyna qosylady. Bul shara jergilikti ýaqyt boıynsha saǵat 20:30-dan 21:30-ǵa deıin jalǵasady. Aksıanyń bıylǵy taqyryby – elimizdegi ekotýrızmdi damytý bolyp bekitildi.

Bul týraly Infohub.kz aqparat agenttigi habarlaıdy.

Belgilengen ýaqytta elimiz boıynsha úılerde, keńselerde jáne kóshelerde jaryq bir saǵatqa óshedi. Aksıanyń basty maqsaty – tabıǵatqa jáne planeta resýrstaryna jaýapkershilikpen qaraý qajettiligine jurtshylyqtyń nazaryn aýdarý.

Elimizdiń tanymal nysandary jaryǵyn sóndiredi

Jyl saıyn aksıa kezinde elimizdiń eń tanymal nysandarynyń jaryǵy ýaqytsha óshiriledi. Olardyń qatarynda:

"Jer saǵaty" – jahandyq ekologıalyq shara

"Jer saǵaty" – Dúnıejúzilik jabaıy tabıǵat qorynyń (WWF) qoldaýymen jyl saıyn ótetin halyqaralyq shara. Aksıa barysynda WWF planetanyń bolashaǵyna beı-jaı qaramaýdyń belgisi retinde bir saǵatqa jaryq pen turmystyq elektr quraldaryn óshirýge shaqyrady.

Bul shara – jer betindegi eń aýqymdy ekologıalyq aksıa. Oǵan álem boıynsha 2 mıllıardtan astam adam qatysady. "Jer saǵaty" aksıasyna 180 eldiń 7000-ǵa jýyq qalasy qosylady. 2026 jyly "Jer saǵaty" halyqaralyq aksıasy 19-shy ret ótkizilse, Qazaqstanda bul shara 17-shi ret uıymdastyrylady.

Aksıaǵa qatysý óte ońaı: 28 naýryzda saǵat 20:30-da bir saǵatqa jaryq pen elektr quraldaryn óshirińiz.