InfoHub Logo

Qazaqstan 2026 jyly Jeńis kúnine oraı Uly Otan soǵysy ardagerlerine Ýkraına men Belarýsten áldeqaıda joǵary kólemde qarjylaı kómek kórsetedi. Ashyq derekkózderge súıensek, elimizdegi bir rettik kómek shamamen 5 mıllıon teńgege ($11 100) jetedi. Bul TMD elderindegi osyndaı tólemderden aıtarlyqtaı joǵary.

Bul týraly Infohub.kz aqparat agenttigi habarlaıdy.

Basqa eldermen salystyrý

Ýkraınadaǵy kómek mólsheri sanatqa baılanysty ózgeredi, shamamen 11 000 – 60 500 teńgeni (shamamen $25 – $135) quraıdy. Belarýste ardagerlerge bir rettik tólem retinde shamamen 715 000 – 825 000 teńge (shamamen $1 590 – $1 830) beriledi.

Qazaqstan Jeńis kúnine oraı eń joǵary tólemderi bar elderdiń qataryna kiredi. Ózbekstanda da shamamen 4,4 – 4,5 mıllıon teńge ($9 780 – $10 000) kóleminde kómek kórsetiledi.

Reseıdegi federaldyq negizgi tólem shamamen 55 000 teńgeni ($122) quraıdy, biraq óńirlik qosymsha tólemderdi esepke alǵanda, bul soma 440 000 teńgege ($978) deıin nemese odan da joǵary bolýy múmkin.

Tólemderdiń ártúrli bolý sebepteri

Sarapshylar ártúrli elderdegi tólem mólsheriniń ekonomıkalyq múmkindikterge, áleýmettik saıasatqa jáne qalǵan ardagerlerdiń sanyna baılanysty ekenin atap ótedi.

Sondaı-aq, ár eldiń ishinde de tólem somalary óńirge jáne ardager sanatyna baılanysty ózgerýi múmkin.

Buǵan deıin Qazaqstannyń Jeńis kúnine oraı áskerı sherýden bas tartqany habarlanǵan bolatyn.