InfoHub Logo

Erteń, 25 naýryzda Astanada ótetin FIFA Series týrnırinde Qazaqstan quramasy Namıbıamen alǵashqy kezdesýin ótkizedi. Ońtústik Afrıkadan kelgen qarsylas komanda týraly ne bilýimiz kerek?

Bul týraly Infohub.kz aqparat agenttigi habarlaıdy.

Namıbıa quramasynyń reıtıńi men tarıhy

Namıbıa quramasy FIFA reıtıńinde 118-orynda tur. Olar Afrıka Ulttar Kýbogynyń fınaldyq kezeńine tórt ret qatysqan: 1998, 2008, 2019 jáne 2023 jyldary. Ásirese, 2023 jyly komanda týrnırdiń 1/8 fınalyna deıin jetip, úzdik nátıje kórsetti.

Komanda quny jáne oıynshylary

Transfermarkt málimeti boıynsha, Namıbıa quramasynyń jalpy quny 4,25 mıllıon eýroǵa baǵalanady. Quramdaǵy 23 oıynshynyń úsheýiniń transferlik quny joq.

Eń qymbat oıynshylar qataryna qorǵaýshy Rıaan Hanamýb, jartylaı qorǵaýshy Aprosıýs Petrýs jáne shabýylshy Pıter Shalýlıle kiredi.

Rıaan Hanamýb

31 jastaǵy sol qanattaǵy qorǵaýshy Ońtústik Afrıka premer-lıgasynda óner kórsetetin «Amazýlý» klýbynyń oıynshysy. Onyń quny 850 myń eýro.

Aprosıýs Petrýs

Ortalyq jartylaı qorǵaýshy Sýdannyń «Al-Hılál» klýbynda oınaıdy. Baǵasy – 500 myń eýro.

Pıter Shalýlıle

32 jastaǵy shabýylshy Ońtústik Afrıkanyń «Mamelodı Sandaýnz» klýbynda óner kórsetedi. Ol Namıbıa quramasynyń eń qymbat oıynshysy, quny 1,2 mıllıon eýro. Sondaı-aq, ol 19 golymen qurama tarıhyndaǵy úzdik bombardır bolyp sanalady.

Mach týraly

Qazaqstan men Namıbıa arasyndaǵy kezdesý erteń, 25 naýryzda saǵat 17:00-de «Astana Arenada» ótedi.

Buǵan deıin Qazaqstan quramasynyń Armenıamen de joldastyq kezdesý ótkizetini habarlanǵan bolatyn. Al «Qaırat» oıynshysy Dastan Satpaev naýryz aıyndaǵy FIFA Series oıyndaryn ótkizip alady.