InfoHub Logo

Kıevte Qazaqstan men Ýkraınanyń quqyq qorǵaý organdary esirtki satýshylardy tartýmen aınalysqan call-ortalyqtar jelisin joıdy. Bul týraly QR İshki ister mınıstrliginiń baspasóz qyzmeti habarlady.

Bul týraly Infohub.kz aqparat agenttigi habarlaıdy.

Birlesken jedel-tergeý is-sharalary barysynda eki eldiń prokýratýralarymen ózara is-qımyl arqyly Qazaqstan İshki ister mınıstrligi men Ýkraınanyń Ulttyq polısıasy transnasıonaldyq qylmystyq toptardy paıdalanǵan call-ortalyqtardyń uıymdastyrýshylary men qatysýshylaryn anyqtady.

Esirtki bıznesine jastardy tartqan

«28 mamyrda Kıev qalasynda Eýropa men TMD elderinde sıntetıkalyq esirtki óndirý jáne satýmen aınalysatyn transnasıonaldyq qylmystyq uıymdardyń birine baǵynyshty call-ortalyqtardyń qyzmeti toqtatyldy», - dedi QR İİM esirtki qylmysyna qarsy kúres komıteti tóraǵasynyń orynbasary Eldar Ábdikenov.

Onyń aıtýynsha, call-ortalyqtar arqyly Qazaqstan aýmaǵynda esirtkini taratýshy (zakladchık) jáne býyp-túıýshi retinde jumys isteýge azamattardy tartqan.

Ustalǵandar men tárkilengen zattar

«Júrgizilgen is-sharalar nátıjesinde 11 adam ustaldy. Qylmystyq sqemanyń árbir qatysýshysynyń, sonyń ishinde uıymdastyrýshylardyń, aǵa operatorlardyń jáne tikeleı adam tartýmen aınalysqan keńse qyzmetkerleriniń rólderi anyqtaldy», - dedi Ábdikenov.

Polıseıler toǵyz mekenjaı boıynsha tintý júrgizip, shamamen 40 myń AQSH dollary men 10 myń eýro, Range Rover avtokóligi, 18 uıaly telefon, 12 noýtbýk pen planshet tárkiledi.

«Qazirgi ýaqytta tárkilengen kompúterlik tehnıkalardan aqparatty shyǵarý jáne taldaý jumystary júrgizilýde, qylmystyq áreketterdi uıymdastyrýshylardyń akkaýnttary anyqtalýda, sondaı-aq qarjylyq tergeý de júrip jatyr», - dep habarlady Eldar Ábdikenov.

İshki ister mınıstrligi bul call-ortalyqtardyń joıylýy Qazaqstan azamattarynyń esirtki aınalymyna qatysty qylmystyq áreketterge tartylýyn aıtarlyqtaı azaıtatynyn jáne halyqaralyq esirtki bıznesin uıymdastyrýshylardy anyqtap, jaýapqa tartýǵa múmkindik beretinin atap ótti.