Photo: OVAN (https://www.pexels.com/@knownasovan) / Pexels
Qazaqstan onlaın kazıno uıymdastyrýshylaryn halyqaralyq izdeýge jarıalady
Qazaqstan Respýblıkasynyń Qarjylyq monıtorıń agenttigi (QMA) "1Win" brendimen zańsyz onlaın kazıno uıymdastyrǵan qylmystyq topty áshkereledi. Bul týraly Infohub.kz aqparat agenttigi habarlaıdy.
Agenttiktiń Almaty oblystyq departamenti júrgizgen tergeý barysynda, toptyń zańsyz áreketin jasyrý úshin jalǵan tulǵalar atynan birneshe zańdy tulǵa qurylǵany anyqtaldy. "1Win" ınternet-platformasy arqyly 11 myńnan astam onlaın oıynǵa jáne sporttyq, kıbersporttyq jarystarǵa bás tigýge múmkindik berilgen.
Qylmystyq toptyń áreketi
Bás tigýler men utystardy qabyldaý jáne tóleý bank kartalary, elektrondy tólem júıeleri jáne krıptovalúta arqyly júzege asyrylǵan. Qylmystyq toptyń músheleri halyqaralyq izdeýge jarıalanyp, olarǵa qatysty syrttaı qamaýǵa alý bultartpaý sharasy tańdaldy.
Tárkilengen múlik
Tergeý aıasynda Mercedes Maybach S500, Lamborghini Huracan jáne Toyota Land Cruiser avtokólikteri, sondaı-aq 151 mln teńge, 14 600 dollar jáne 44 400 eýro kólemindegi aqshalaı qarajat tárkilendi. Sot qaýlysymen jalpy quny 420 mln teńgeden asatyn múlik memleket kirisine tárkilendi.
QMA azamattardy azartty oıyndar salasyndaǵy kez kelgen kúdikti áreketter týraly habarlaýǵa shaqyrady. Tergeý jalǵasýda.
-
Antımonopolnoe vedomstvo Kazahstana nachalo proverký avıakompanıı FlyArystan ız-za praktıkı vzımanıa fıksırovannoı platy za prevyshenıe normy rýchnoı kladı, nezavısımo ot faktıcheskogo vesa.
-
Jańa erejeler jarıalanǵannan keıin birden zeınetaqy jınaqtaryn birjolǵy alýǵa ótinish berýshiler sany kúrt artty. Bul týraly Biryńǵaı jınaqtaýshy zeınetaqy qory (BJZQ) málimetteri kórsetti.
