Photo: Pixabay (https://www.pexels.com/@pixabay) / Pexels
Qazaqstan Reseı armıasyna jabdyq jetkizýge qatysy bar ma?
Eýropadan Qazaqstanǵa ákelinip, keıin Reseıge jiberilgen sanksıalyq jabdyqtar týraly derekter jarıalandy. Bul týraly Ulysmedia.kz habarlady.
Estonıanyń Harú ýezik soty reseılik kásipker Ivan Anchevskııdi jáne onyń Melytec Europe OÜ kompanıasyn halyqaralyq sanksıalardy buzdy dep tanydy. Tergeý materıaldaryna sáıkes, bul jabdyqtar Reseıdiń áskerı ónerkásibine arnalǵan joǵary tehnologıalyq qural-jabdyqtar bolyp shyqty.
İstiń mán-jaıy
Reseılik Melytec kompanıasy Shveısarıada jasalǵan metal beriktigin baqylaıtyn jabdyqty Estonıadaǵy enshiles kompanıasy Melytec Europe OÜ arqyly tapsyrys bergen. Keıin bul jabdyqtar aldymen Qazaqstanǵa, odan ári Reseıge jetkizilgen.
Prokýror Ivan Anchevskıı Reseıge quny shamamen bir mıllıon eýro bolatyn alty birlik tehnıka jetkizgenin, onyń kem degende bireýi áskerı ónerkásipte qoldanylǵanyn málimdedi.
«Mysaly, ınjenerler ushaq dronynda qandaı materıaldar men bólshekter kombınasıasyn qoldaný kerektigin sheshpes buryn, sol bólshektiń diril men syrtqy jaǵdaılarǵa tótep bere alatynyn, ushaq aspanda usha almaı qulap qalmaýyn tekserýi tıis. Osy synaq mashınasy sol naqty jaǵdaılardy modeldep, bólshektiń júktemeni kótere alatynyn anyqtaý úshin qajet», - dep túsindirdi memlekettik prokýror Verte Reseı áskeskeleriniń bul jabdyqty qoldanýyn.
Sanksıalardan aınalyp ótý úshin Qazaqstan, Estonıa, Vengrıa jáne BAÁ elderindegi deldaldar paıdalanylǵan.
Sot úkimi
Nátıjesinde, Harú ýezik soty Ivan Anchevskııdi 3,5 jylǵa bas bostandyǵynan aıyrdy. Onyń Melytec Europe OÜ kompanıasyna úsh mıllıon eýro aıyppul salyndy.
-
Krýpnaıa neftegazovaıa kompanıa «Tengızshevroıl» planırýet ývelıchıt zarabotnýıý platý svoım sotrýdnıkam do 8% v svázı s rostom ınflásıı.
-
Amerıkalyq mánerlep syrǵanaýshy Ilá Malının Olımpıada oıyndarynda qazaqstandyq Mıhaıl Shaıdorovty qushaqtap, jeńisimen quttyqtaǵany úshin "Ádil oıyn" syılyǵyn aldy.
