InfoHub Logo

Qazaqstan tarıhynyń jeti tomdyq akademıalyq basylymyn daıyndaý jónindegi redaksıa alqasynyń kezekti otyrysy Almatyda ótti. Jıyndy Memlekettik keńesshi Erlan Karın basqardy.

Bul týraly Infohub.kz aqparat agenttigi habarlaıdy.

Qazaqstannyń Keńestik kezeńdegi tarıhy

Otyrysta Qazaqstannyń Keńestik kezeńin qamtıtyn altynshy tomnyń qoljazbasy talqylandy. Avtor ujymynyń jetekshisi, tarıh ǵylymdarynyń kandıdaty Kúlǵazyra Baltabaeva aldyńǵy otyrysta redaksıa alqasy múshelerinen túsken usynystar eskerilip, jańartylǵan altynshy tomnyń mazmunyn tanystyrdy.

Qosymsha redaksıalaý barysynda 120-dan astam eskertý men usynys esepke alynǵan. Kúlǵazyra Baltabaevanyń aıtýynsha, altynshy tom jalpy 7 bólimnen, 19 taraýdan jáne 126 paragraftan turady. Avtor ujymyna 70-ten astam ǵalym men zertteýshi qatysqan.

Redaksıa alqasynyń pikirleri

Redaksıa alqasy otyrysynda tarıh ǵylymdarynyń doktory, profesor Búrkitbaı Aıaǵan, áleýmettik ǵylymdar doktory, Fılosofıa, saıasattaný jáne dintaný ınstıtýtynyń bas dırektory Aıgúl Sadvoqasova, saıasat ǵylymdarynyń kandıdaty, «Álternatıv» aktýaldy zertteýler ortalyǵynyń dırektory Andreı Chebotarev syndy ǵalymdardyń resenzıalary tyńdaldy.

Sondaı-aq, redaksıa alqasynyń músheleri Mambet Qoıgeldıev, Kenjehan Matyjanov, Dihan Qamzabekuly, Nursan Álimbaı, Erkin Ábil, Hankeldi Ábjanov óz oılaryn ortaǵa saldy.

Altynshy tom bekitildi

Otyrys qorytyndysy boıynsha, redaksıa alqasy jalpy daýyspen altynshy tomdy baspaǵa daıyndaý týraly sheshim qabyldady.

Kelesi otyrysta alqa músheleri «Qazaqstan tarıhy: Ejelgi zamannan búginge deıin» atty eńbektiń sońǵy, jetinshi tomyn qaraıdy. Bul tom Táýelsiz Qazaqstan kezeńine arnalǵan.