InfoHub Logo

A. Ó. Óteshova

Qazaqstan táýelsizdik jyldarynda
Sabaqtyń maqsaty:
Bilimdiligi: Qazaqstannyń táýelsizdikke qol jetkizýiniń kúrdeliligi, bul máseleni sheshýdegi jetistikteri men qıynshylyqtary, halyqaralyq uıymdardyń quramyndaǵy Qazaqstannyń saıası damý erekshelikterin eskerý taldaý.
Damytýshylyǵy: Tarıhı oqıǵalardy, saıası ómirdegi ózgeristerdi durys taldap, tujyrymdaı bilýge úıretý, derekter men zertteýlerdi óz betinshe oqyp qajetine saı paıdalaný daǵdysyn qalyptastyrý.
Tárbıeligi: Halyqtyń ulttyq sana - seziminiń ósýiniń mańyzyn ashyp kórsetý arqyly ultjandylyqqa, elin súıýge, adamgershilikke, birlik pen yntymaqtastyqqa baýlý jáne dostyq sezimderin tárbıeleý.
Sabaqtyń túri: Konferensıa

Sabaq barysy:
Muǵalimniń kirispe sózi.

Muǵalim: Búgingi sabaǵymyzdyń maqsaty - Qazaqstan derbes memleket retinde dúnıejúzilik qoǵamdastyqqa birikken ártúrli deńgeıdegi halyqaralyq uıymdarǵa múshe bolý arqyly óziniń memlekettik mártebesin kóteretini anyq ekenin dáleldeý.
Dúnıejúzi qazaqtary quryltaıynyń saltanatty májilisinde N. Á. Nazarbaev: «Búgingi bostandyq, búgingi táýelsizdik ózinen - ózi kelip, basymyzǵa qona qoıǵan joq, azattyq úshin mıllıondaǵan adamdardyń qany shashylyp, jany qınaldy, jazyqsyz zardap shekti. Sol úshin ata - babamyz ómir boıy kúresti.» Táýelsizdik, Azattyq - qasıetti sóz, qasterli kıeli uǵym. Táýelsizdiktiń týyn jyqpaý óz qolymyzda. Endigi kezekte sózdi oqýshylarǵa bereıik.

Júrgizýshi: Qaıyrly kún! Habarymyzǵa qosh keldińizder. «Saıası kózqaras» baǵdarlamasyn bastaımyz.
Memleketimiz qazir álemdik dárejede kóptegen órkenıetti eldermen terezesi teń. 1991 jyly 16 jeltoqsanda Qazaqstan táýelsizdik demokratıalyq memleket bolý múmkindigine ıe boldy. 1991 jyly 1 jeltoqsanda ótken saılaýda Qazaqstan Respýblıkasynyń prezıdenti bolyp N. Á. Nazarbaev saılandy. 1991 jyly 10 jeltoqsanda N. Á. Nazarbaev Respýblıka saraıynda saltanatty túrde ant qabyldady. 1992 jyly 4 maýsymda QR memlekettik rámizderi qabyldandy. 1997 jyly 10 qazan N. Á. Nazarbaev 2030 jylǵa deıingi strategıalyq damý baǵdarlamasyn qabyldap, halyqqa jarıalady.

Táýelsizdik - aıbarym!
Táýelsizdik - Ánuran hám Eltańbam,
Kók baıraǵym Alataýdan ári asqan.
Táýelsizdik - ortaq meken san ultqa
Dos peıildi týystyǵy jarasqan!
Táýelsizdik – ata - baba armany,
Alty Alashtyń maqtan tutar aıbary!
Táýelsizdik - qanmen kelgen qundylyq.
Táýelsizdik - jas urpaqtyń erteńi,
Bilim qýyp, talabymen órge ozǵan!
Táýelsizdik - maqtanyshym, aıbarym,
Bar qazaqtyń táý etetin kıesi!

Habarymyzǵa kelgen qonaqtarmen tanystyrýǵa ruqsat etińizder.
1. Saıasatkerler
2. Tarıhshylar
3. «Zań jáne biz» gazetiniń tilshileri
4. «Egemen Qazaqstan» gazetiniń tilshileri
5. «Jas Alash» gazetiniń tilshileri
6. «Qazaqstan Zaman» gazetiniń tilshileri
Júrgizýshi: 20 - ǵasyrdyń ıadrolyq qarý degen kesapatty dúnıege alyp keldi. Synaqtar, sol synaq ótkizetin jer - polıgondar paıda boldy. Sondaı qasiretke álemniń biraz jeri, onyń ishinde qazaq jeri - halqymyzdyń aıaýly perzentteri dúnıege kelgen Semeı jeri de ushyrady. Semeı polıgonynyń qasireti men zardaptary týraly Saıasatkerlerdiń baıandap berýin suraımyz.