InfoHub Logo

2026 jyly Qazaqstan aýmaǵynda Ujymdyq qaýipsizdik týraly shart uıymynyń (UQSHU) birlesken áskerı jattyǵýlary ótedi. Bul sharalar aımaqtyq qaýipsizdikti nyǵaıtýǵa baǵyttalǵan.

Bul týraly UQSHU Birikken shtabynyń bastyǵy, general-polkovnık Andreı Serdúkov brıfıńte málimdedi. Onyń aıtýynsha, bıylǵy jyly uıym aıasynda 60-qa jýyq birlesken jáne jedel daıarlyq is-sharalary josparlanǵan. Onyń ishinde segiz komandalyq-shtabtyq jáne arnaıy oqý-jattyǵý bar.

Atap aıtqanda, qyrkúıek aıynda Qazaqstan aýmaǵynda Ortalyq Azıa óńiriniń jedel óristetý ujymdyq kúshteriniń qatysýymen «Rýbej» atty birlesken oqý-jattyǵý uıymdastyrylady.

Áskerı jattyǵýlardyń maqsaty men jospary

Qyrkúıek pen qazan aılary aralyǵynda Reseıde Ujymdyq jedel áreket etý kúshteriniń qatysýymen «Ózara is-qımyl» komandalyq-shtabtyq jattyǵýy, «İzdeý» arnaıy barlaý oqý-jattyǵýy jáne materıaldyq-tehnıkalyq qamtamasyz etýge baǵyttalǵan «Eshelon» jattyǵýy ótedi. Al qazan aıynda Tájikstan aýmaǵynda «Kobált» jáne «Skala» atty arnaıy oqý-jattyǵýlar josparlanǵan.

Bul jattyǵýlarǵa baıqaýshy retinde Terorızmge qarsy ortalyq, TMD Shekara áskerleri qolbasshylary keńesiniń úılestirý qyzmeti jáne UQSHU Parlamenttik Assambleıasy hatshylyǵynyń ókilderi qatysady. Uıym ókilderiniń aıtýynsha, strategıalyq jattyǵýlar barysynda ázirlengen qujattar aldaǵy birlesken oqý-jattyǵýlardy josparlaýǵa negiz bolady.