Qazaqstanda 63 jastan asqan 67 stýdent oqyp júr — komıtet

Joǵary jáne joǵary oqý ornynan keıingi bilim berý komıteti 2025 jyldyń jeltoqsanyndaǵy derek boıynsha 63 jastan asqan 67 adamnyń JOO-larda oqyp jatqanyn habarlady.

Olardyń 11-i memlekettik bilim berý tapsyrysy aıasynda oqıdy.

63 jastaǵy stýdentter sany 9 adamdy quraıdy, sonyń 2-ýi memlekettik tapsyrys esebinen bilim alýda.

Oqıtyn deńgeıleri boıynsha: 36 adam bakalavrıatta, 23 adam magıstratýrada, 8 adam doktorantýrada.

Komıtettiń málimetinshe, atalǵan jastaǵy stýdentter medısına, farmasıa, psıhologıa, lıngvısıka jáne basqa da mamandyqtarda bilim alýda.

Mysaly, Iasaýı atyndaǵy Halyqaralyq ýnıversıtette Túrkıa azamaty Qadrıe Yshykly oqıdy.

Ystambuldyń 69 jastaǵy turǵyny ýnıversıtet tarıhyndaǵy eń jasy úlken stýdent atandy.

2023–2024 jyldarǵa qatysty statısıka da usynyldy: 2023 jyly 63 jastan asqan 39 adam oqyǵan (onyń 4-ýi grantta), 63 jastaǵy 3 adamnyń eshqaısysy grantta bolmaǵan.

2024 jyly bul kórsetkish 67 adamǵa jetti, olardyń 8-i grantta oqyǵan; 63 jasta 14 adam bilim alǵan, sonyń 1-ýi memlekettik tapsyrys esebinen.