Qazaqstanda bilim berý baǵdarlamalary kásibı standarttarǵa negizdelýi tıis - S. Ómirbaev
ALMATY. QazAqparat - Qazaqstanda bilim berý baǵdarlamalary kásibı standarttarǵa negizdelýi tıis. Bul týraly búgin Almatyda ál-Farabı atyndaǵy Qazaq ulttyq ýnıversıtetinde «Bilim berý baǵdarlamalaryn jańǵyrtý: akredıtasıa jáne kadrlar daıyndaý sapasynyń kepili» atty 46-shy respýblıkalyq ǵylymı-ádistemelik konferensıasy barysynda QR Bilim jáne ǵylym mınıstrliginiń Joǵary jáne joǵary oqý ornynan keıingi bilim, halyqaralyq yntymaqtastyq departamentiniń dırektory Serik Ómirbaev málim etti.
«Ókinishke qaraı, Qazaqstannyń joǵary bilim berý júıesinde bilim berý baǵdarlamalary, oqytý úderisi óndirispen áli de bolsa álsiz úılestirilgen. Árıne, kásibı standarttar ázirlenip-aq jatyr. Biraq, olardyń barlyǵy birdeı joǵary jáne joǵary oqý ornynan keıingi bilimdi qamtymaıdy. Qazirgi tańda elimizdegi 137 kásibı standarttyń ishinde tek 56 standartta ǵana joǵary jáne joǵary oqý ornynan keıingi bilimge degen kásiptik talaptar men quzyretter shynaıy kórsetilgen. Bul neni bildiredi?
Iaǵnı, biz áli de bolsa bilim berý baǵdarlamalaryn kásibı standarttardyń talaptaryna negizdep jasap jatqan joqpyz. Osy sebepten de eńbek naryǵynyń, jumys berýshilerdiń joǵary bilim júıesine, jas mamandardyń biliktiligine kóńilderi tolmaıdy. Kezinde akademıalyq qaýymdastyq kásibı standarttardy, talaptardy ázirleýdi jumys berýshilerdiń ózderine tapsyrǵan bolatyn. Biraq, olar mundaı jumysqa daıyn bolmaı shyqty. Sondyqtan bul jumysty birlese atqarýymyz qajet. Oqý úderisi men óndiris arasynda tyǵyz baılanys ornaýy tıis. Sonda ǵana búgingi jahandaný zamanynda básekege qabiletti, biliktiligi joǵary mamandar daıarlaýǵa bolady», - dedi S. Ómirbaev.
inform.kz
You Might Also Like
-
Jol erejesin buzǵan almatylyqtar memleketke 12 mlrd. teńge bereshek. Mundaı aqparatty qalalyq polısıa jarıalady.
-
Dúnıejúzilik densaýlyq saqtaý uıymy Lıberıa men Batys Afrıkada Ebola derti epıdemıasy aıaqtalǵanyn jarıa etti, dep habarlaıdy Bı-Bı-Sı agenttigi.
