InfoHub Logo

Qazaqstanda jumys isteıtin jastarǵa arnalǵan jalǵa beriletin turǵyn úı baǵdarlamasy 27 naýryzdan bastap toqtatyldy. Bul baǵdarlama Astana, Almaty jáne Shymkent qalalarynda jumys istegen.

Bul týraly Infohub.kz aqparat agenttigi habarlaıdy.

Baǵdarlama ne úshin toqtatyldy?

QR Premer-mınıstriniń orynbasary, Mádenıet jáne aqparat mınıstri Aıda Balaevanyń aıtýynsha, 9 qańtarda Qazaqstan Respýblıkasynyń Qurylys kodeksine qol qoıyldy. Sonymen qatar, jastar saıasaty salasyndaǵy keıbir tetikterdi retteýge qatysty normalarǵa ózgerister engizildi. Osy ózgeristerge sáıkes, 27 naýryzdaǵy buıryqtyń negizinde jumys isteıtin jastarǵa arnalǵan jalǵa beriletin turǵyn úı baǵdarlamasy toqtatylýǵa jatady.

Bosatylǵan turǵyn úı qoryn odan ári paıdalaný máselesi jergilikti atqarýshy organdardyń quzyretine jatady jáne turǵyn úı zańnamasyna sáıkes sheshiledi.

Qazirgi jaldaýshylar ne isteýi kerek?

Baǵdarlamanyń maqsaty men nátıjeleri

Aıda Balaeva baǵdarlamanyń Astana, Almaty jáne Shymkent qalalarynda jumys istegenin eske saldy. Onyń maqsaty – jas mamandarǵa belgili bir merzimge qoljetimdi turǵyn úı berý bolǵan. Bul olarǵa kásibı deńgeıde nyǵaıyp, óz úıin satyp alýǵa bastapqy jarna jınaýǵa múmkindik berýdi kózdegen. Aı saıynǵy jaldaý aqysy 5 000-nan 15 000 teńge aralyǵynda bolǵan.

Baǵdarlama iske asyrylǵan ýaqyt ishinde 10 myńnan astam jas qazaqstandyq qoldaý tapty. Baǵdarlama sharttary bastapqyda kelisimshartpen bekitilgen. Ártúrli kezeńderde parametrler naqtylandy, sonyń ishinde turǵyn úı berý merzimi ózgerdi: kelisimsharttar bastapqyda bes jylǵa jasalsa, 2023 jyly merzim úsh jylǵa deıin qysqartyldy. Bul rette, turǵyn úıdi satyp alý quqyǵynsyz jalǵa berý prınsıpi ózgerissiz qaldy.

Memleket jastardy qoldaýdy toqtatpaı, jańa, turaqtyraq quraldar usynyp otyr. «Otbasy bankimen» birlesip, 17 óńirde jeńildikti ıpotekalyq baǵdarlamalar iske qosyldy. Onyń aıasynda shamamen 12 myń jas maman baspanaly boldy. Olardyń 1600-den astamy – burynǵy jalǵa beriletin turǵyn úı baǵdarlamasynyń qatysýshylary.

Sondaı-aq, jas azamattar «Otaý», «Naýryz», «Naýryz Jumysker» respýblıkalyq baǵdarlamalary arqyly turǵyn úı satyp alýda. Búgingi tańda maquldanǵan ótinimderdiń 62%-y 35 jasqa deıingi azamattarǵa tıesili. Barlyq suraqtar boıynsha ákimdikter men «Otbasy bankinde» keńes alýǵa bolady. Ipotekalyq baǵdarlamalarǵa qatysý múmkindikterin aldyn ala baǵalaý mańyzdy. Jastardyń turǵyn úı máselesin sheshýge naqty, ashyq jáne turaqty múmkindikteri bolýy úshin jumysty jalǵastyramyz.