InfoHub Logo

KNB men İİM aýqymdy arnaıy operasıa júrgizdi

Qazaqstan Respýblıkasynyń Ulttyq qaýipsizdik komıteti (KNB) men İshki ister mınıstrligi (İİM) birlese otyryp, elimizde aýqymdy arnaıy operasıa júrgizdi. Nátıjesinde 20 adam ustaldy, dep habarlaıdy Infohub.kz aqparat agenttigi.

4 aqpanda Bas prokýratýranyń úılestirýimen ótken operasıa qylmystyq toptardyń qyzmetine tosqaýyl qoıýǵa baǵyttaldy. Olar qarý-jaraq satýmen, bopsalaýmen, urlanǵan kólikterdi zańdastyrýmen jáne basqa da qylmystyq árekettermen aınalysqan.

Ustalǵandardyń isi boıynsha tergeý amaldary júrgizilýde

Operasıa Almaty, Shymkent qalalarynda, sondaı-aq Aqtóbe, Almaty, Shyǵys Qazaqstan, Jambyl oblystarynda jáne Abaı, Jetisý oblystarynda bir mezgilde ótkizildi. Ustalǵan 20 adamnyń 10-y ýaqytsha ustaý ızolátorlaryna qamaldy.

Tintý kezinde kúdiktilerden atys qarýlary, oq-dáriler, esirtki zattary jáne iri kólemdegi aqshalaı qarajat, sondaı-aq basqa da zattaı dáleldemeler tárkilendi. Qazirgi ýaqytta sotqa deıingi tergeý amaldary júrgizilýde. Qylmystyq-prosestik kodekstiń 201-babyna sáıkes ózge de aqparat jarıa etilmeıdi.

Eske sala keteıik, buǵan deıin Astana men Almaty qalalarynda polısıa men KNB qyzmetkerleri aýyr jáne asa aýyr qylmystar jasaýǵa qatysy bar qylmystyq qaýymdastyqtyń múshelerin ustaǵan bolatyn.