InfoHub Logo

Qazaqstanda esirtki zattarynyń zańsyz aınalymyna qarsy aýqymdy operasıa bastaldy. «Qarasora-2026» dep atalatyn bul sharaǵa polısıa, Ulttyq ulan, Qorǵanys mınıstrligi jáne jergilikti atqarýshy organdardyń ókilderi qatysýda.

Bul týraly Infohub.kz aqparat agenttigi habarlaıdy.

Operasıanyń negizgi maqsaty – esirtki ósimdikteriniń zańsyz egilýin anyqtap, joıý, sondaı-aq olardy daıyndaý, tasymaldaý jáne satýmen aınalysatyn qylmystyq toptardyń áreketterin toqtatý. Sıntetıkalyq esirtki óndirisin de joıýǵa basa nazar aýdarylady.

«Qarasora-2026» operasıasynyń mindetteri

İshki ister mınıstrliginde ótken operasıanyń ashylýynda quqyq qorǵaý organdaryna esirtki ósimdikterin zańsyz ósirý oryndaryn, esirtki saqtalatyn jerlerdi anyqtap, sıntetıkalyq esirtki óndirisin toqtatý týraly naqty tapsyrmalar berildi.

Operasıa barysynda polısıa qyzmetkerleri men áskerler aýyl sharýashylyǵy alqaptaryn tekserip, aýmaqtardy zertteıdi. Zamanaýı sıfrlyq tehnologıalar men áýe monıtorıńi qoldanylady. Esirtki ósimdikterin zańsyz ósirgeni, daıyndaǵany, saqtaǵany, tasymaldaǵany nemese satqany úshin qylmystyq jaýapkershilik qarastyrylǵany eske salyndy.