InfoHub Logo

Elimizdegi iri telekomýnıkasıa operatorlarynyń biri «Alma TV» 28 aqpannan bastap reseılik bir topqa tıesili barlyq telearnalardyń habar taratýyn toqtatty. Bul sheshim kóptegen kórermenderdi alańdatty.

Bul týraly Infohub.kz aqparat agenttigi habarlaıdy.

Nelikten reseılik arnalar óshirildi?

Kompanıanyń habarlaýynsha, bul árekettiń basty sebebi – quqyq ıelenýshi taraptan ýaqytsha habar taratý ruqsatynyń merzimi aıaqtalǵan. Iaǵnı, kelisimsharttyń jańartylmaýyna baılanysty «Birinshi arna. Dúnıejúzilik jeli», «Mýzyka pervogo», «Vremá dalókoe ı blızkoe», «O», «Karýsel», «Dom kıno», «Dom kıno Premıým», «Bobór», «Poehalı», «Pobeda», «Telekafe», «Lankı Live» sıaqty arnalar kórermensiz qaldy.

Operator bul arnalardyń ornyna jańa premıým-arnalardy usyndy. Kompanıa ókilderiniń aıtýynsha, sheteldik telearnalardyń ókilderimen kelissózder júrip jatyr jáne oń sheshim qabyldansa, yntymaqtastyq qaıta jańǵyrýy múmkin.

Basqa operatorlar da osylaı istedi me?

Kórsetiletin qyzmetterdi tutynýshylardyń habarlaýynsha, basqa da keıbir operatorlardyń jelisinen «Birinshi arna», NTV jáne basqa da reseılik arnalar joǵalyp ketken. Olardyń ornyna aqyly jazylym arqyly kórýge bolatyn arnalar qosylǵan.