Photo: Pixabay (https://www.pexels.com/@pixabay) / Pexels
Qazaqstanda sapasy joǵary kómir óndirisi bastalady
Qazaqstanda sırek kezdesetin sapaly antrasıt kómirin óndirý isi qolǵa alynady. Qaraǵandy oblysyndaǵy Balqash qalasy mańynda ornalasqan Saryqum ken ornynan 25 jyl boıy kómir óndiriledi dep josparlanýda.
Bul týraly Infohub.kz aqparat agenttigi habarlaıdy.
Saryqum ken ornynyń ereksheligi
Antrasıt kómiri Qazaqstanda sırek kezdesedi. Onyń joǵary kalorıalylyǵy men jylý berý qasıetteri ony metalýrgıa, sondaı-aq absorbentter, elektrodtar, elektrokorýnd jáne mıkrofon untaǵyn óndirý úshin óte qundy shıkizat etedi. Sapasy tómen kómirler Balqash qalasy men Aqtoǵaı aýdanynyń eldi mekenderindegi turmystyq qajettilikterge jumsalmaq.
Antrasıt óndirisiniń álemdik tájirıbesi
Antrasıt kóbinese shahta ádisimen tereńnen óndiriledi. Alaıda, Saryqum ken ornynda bul kómirdi ashyq ádispen, ıaǵnı karer arqyly óndirý kózdelgen. Bul ken ornynyń qurylymynyń kúrdeliligine baılanysty bolýy múmkin.
Jarıalanǵan qujattarǵa sáıkes, Saryqum kómiriniń kúldiligi orta eseppen 42%-dan asady, biraq ony baıytyp, konsentratqa deıin óńdeýge bolady.
Óndirý jospary
2025 jyldan 2050 jylǵa deıingi 25 jyldyq kezeńde 20,01 mln tonna kómir óndiriledi. Jalpy qor 170,63 mln tonnany quraıdy. Ken ornyn ıgerý barysynda óndirý kólemi 2035 jylǵa qaraı jylyna 1 mıllıon tonnaǵa deıin artyp, 2048 jylǵa deıin osy deńgeıde saqtalady. Keıin 2050 jylǵa qaraı 500 myń tonnaǵa deıin tómendeýi josparlanǵan.
Buǵan deıin Saryqum ken orny boıynsha merdigerlik kelisimshart talaptaryn buzǵany úshin mınıstrlik pen «Saryqum grýpp» JSHS arasynda sot daýy bolǵany habarlanǵan edi.
-
Aıarý Kabatova podelılas svoım mnenıem o vladenıı kazahskım ıazykom, vyzvav býrnýıý reaksıý v setı.
-
A new venture in the Karaganda region will extract valuable anthracite coal, crucial for metallurgy and energy, over the next 25 years.
