InfoHub Logo

Qazaqstanda zańnamalyq deńgeıde vıse-prezıdent laýazymy bekitilmek. Bul týraly Parlament palatalarynyń birlesken otyrysynda qaralyp jatqan konstıtýsıalyq zań jobasy habarlaıdy.

Bul týraly Infohub.kz aqparat agenttigi habarlaıdy.

Vıse-prezıdent ınstıtýtynyń mańyzy

Ádilet mınıstri Erlan Sársenbaevtyń aıtýynsha, zań jobasynyń basty jańalyǵy – Qazaqstan Respýblıkasynyń vıse-prezıdenti degen jańa ınstıtýtty engizý. Bul shara memlekettik basqarý júıesiniń turaqtylyǵyn arttyrýǵa jáne joǵary bılik organdarynyń úzdiksiz jumys isteýin qamtamasyz etýge baǵyttalǵan.

«Zań jobasy vıse-prezıdentti taǵaıyndaý tártibin, sondaı-aq kandıdatqa qoıylatyn talaptardy belgileıdi. Onyń ókilettigin toqtatý negizderi, joǵary laýazymdy tulǵamen teńestirilgen shekteýler qarastyrylǵan. Sondaı-aq, onyń negizgi fýnksıasy – prezıdenttiń tapsyrmasy boıynsha memlekettik organdarmen ózara is-qımyl kezinde onyń ókili bolýy bekitiledi», - dedi mınıstr.

Vıse-prezıdent bolý úshin qandaı talaptar qoıylady?

Konstıtýsıalyq zań jobasyna sáıkes, vıse-prezıdentti Qazaqstan Respýblıkasynyń Prezıdenti Quryltaıdyń kelisimimen taǵaıyndaıdy. Quryltaı óz depýtattarynyń jalpy sanynyń kópshilik daýsymen kelisimin bildiredi.

Vıse-prezıdent qyzmetine taǵaıyndalý úshin azamat:

Vıse-prezıdenttiń ókilettikteri men shekteýleri

Vıse-prezıdent Prezıdenttiń tapsyrmasymen Quryltaımen, úkimetpen jáne basqa da memlekettik organdarmen ózara is-qımyl jasaý kezinde onyń ókili bolady. Sondaı-aq, Prezıdent belgilegen basqa da ókilettikterdi júzege asyrady.

Vıse-prezıdent qyzmette bolǵan kezinde saılaýǵa túsýge, basqa da aqyly laýazymdardy atqarýǵa, kásipkerlik qyzmetpen aınalysýǵa nemese saıası partıanyń múshesi bolýǵa quqyly emes.

Vıse-prezıdenttiń ókilettigi qalaı toqtatylady?

Vıse-prezıdenttiń ókilettigi kelesi jaǵdaılarda toqtatylýy múmkin:

Prezıdent, vıse-prezıdenttiń ókilettigi toqtatylǵan kúnnen bastap 20 kún ishinde Quryltaıǵa jańa kandıdatýrany usynýy tıis.

Bul konstıtýsıalyq zań jobasy birinshi oqylymda maquldandy.

Kontekst

Vıse-prezıdent ınstıtýty 2026 jylǵy 15 naýryzda referendýmda qabyldanǵan jańa Konstıtýsıada bekitilgen bolatyn. Memleket basshysy Qasym-Jomart Toqaev Ulttyq Quryltaıdyń V otyrysynda vıse-prezıdentti Prezıdenttiń ózi taǵaıyndaıtynyn jáne onyń ókilettikterin aıqyndaıtynyn málimdegen edi. Vıse-prezıdenttiń qyzmetine qatysty negizgi erejeler Konstıtýsıada kórsetilgen.

10 sáýirde Prezıdent Qasym-Jomart Toqaev jańa Konstıtýsıanyń 2026 jylǵy 1 shildeden bastap kúshine enetinin, al Quryltaıǵa saılaý tamyz aıynda ótetinin eske saldy.