Qazaqstanda ınformatıka 1 synyptan bastap oqytylýy múmkin
Qazaqstanda ınformatıka páni 1 synyptan bastap oqytylýy múmkin. Bul týraly búgin «Digital Bridge» halyqaralyq ınovasıalyq forýmda QR Premer-Mınıstri Baqytjan Saǵyntaev aıtty.
Forýmnyń sıfrlyq ekonomıkany damytýdyń jahandyq trendteri talqylanǵan jalpy otyrysynda Estonıa Premer-Mınıstri Iýrı Ratas óz elinde robototehnıka 1 synyptan bastap balalarǵa oqytylatyndyǵyn atap ótti.
«Menińshe, bilim berý bul ınovasıanyń barynsha mańyzdy elementi sanalady. Máselen, Estonıada bizdiń balalarymyz birinshi synyptan bastap robototehnıkany oqıdy. Bul óte tanymal pán», - dedi Iýrı Ratas.
Óz kezeginde QR Premer-Mınıstri Baqytjan Saǵyntaev Estonıanyń mundaı tájirıbesine qyzyǵýshylyq tanytty.
«Estonıada birinshi synyptan bastap robototehnıkany oqytýy óte keremet. Biz ınformatıkany 7 synyptan bastap oqyttyq. Barlyq ýaqytta 7 synyp oqýshysy oqytýshysynan kóp biletindigin aıtyp kelemin. Biz baǵdarlamany ózgerttik jáne búginde ınformatıka úshinshi synyptan oqytylady. Qazir Estonıa Premer-Mınıstriniń sózinen keıin bizde oılanatyn bolamyz, 3-inshi synyp ta keshteý sıaqty», - dedi QR Úkimet basshysy.
You Might Also Like
-
Almaty oblysy Balqash aýdany «№1 Baqanas orta mektebi mektepke deıingi shaǵyn ortalyǵymen» memlekettik komýnaldyq mekemesi 3 «A» synyp oqýshysy Baýyrjanuly Álıjan
-
... Kópten saqtaýly syr edi. Eskirgen bir jyl edi. El talqysyna salyp, áleýmet synyna bereıin desem de, kezi kelmeı júredi. Búgin Tolqynaı báıbisheniń qarǵysyn estigen soń, syr aqtarylǵaly otyr, jyr...
