InfoHub Logo

Qazaqstandaǵy eskirgen jylý elektr ortalyqtaryn (JEO) shaǵyn modýldi atom reaktorlarymen (SHMR) almastyrý múmkindigi qarastyrylýda. Bul týraly Prezıdent bekitken Atom salasyn 2050 jylǵa deıin damytý strategıasynda aıtylǵan.

Bul týraly Infohub.kz aqparat agenttigi habarlaıdy.

Shaǵyn AES-tiń tıimdiligi zertteledi

Jańa strategıa aıasynda SHMR-dyń Qazaqstannyń ártúrli aımaqtaryndaǵy qoldanysqa jaramdylyǵy, olardyń senimdiligi men ekonomıkalyq tıimdiligi tehnıkalyq-ekonomıkalyq taldaý arqyly baǵalanady.

Sonymen qatar, energıa tapshylyǵy bar nemese elektr jelisi ınfraqurylymy nashar damyǵan aımaqtarda SHMR-dy ornalastyrý oryndary anyqtalyp, eski JEO-lardy almastyrý múmkindigi qaralmaq.

Atom energıasyn damytýdyń maqsaty

Atom salasyn damytý strategıasy – bul beıbit maqsattaǵy atom energıasyn paıdalaný salasyndaǵy memlekettik saıasattyń baǵyttary men maqsattaryn aıqyndaıtyn uzaq merzimdi qujat. Onyń negizgi mindetteri – energetıkalyq qaýipsizdikti qamtamasyz etý, ekonomıkanyń turaqty ósýine yqpal etý, joǵary tehnologıalyq óndiristerdi damytý jáne klımattyq mindettemelerdi oryndaý.

Bul strategıa buǵan deıingi sheshimderdi jalǵastyrady. 2024 jyldyń sońynda ótken respýblıkalyq referendýmda qazaqstandyqtar AES qurylysyn qoldaǵan bolatyn. Jalpy strategıa boıynsha, Qazaqstanda energetıka, ǵylym, tehnologıa, qaýipsizdik júıeleri, kadr daıarlaý jáne jumys oryndaryn qurýdy qamtıtyn ıadrolyq klaster qalyptastyrý kózdelgen.

Buǵan deıin Qazaqstanda ekinshi AES qurylysynyń orny naqtylanǵan edi. Birinshi AES sıaqty, ony da Almaty oblysynyń Jambyl aýdanynda salatyn bolady.