InfoHub Logo

Elimizdegi turǵyn úı naryǵynda baǵalardyń aıyrmashylyǵy óte úlken. Bir jaǵynan, 600 myń teńgege eki bólmeli páter tabýǵa bolady, al ekinshi jaǵynan, 65 mıllıard teńgege záýlim úıler satylymǵa shyǵarylǵan. Bul aıyrmashylyq neden týyndaıdy jáne naryqtaǵy eń arzan men eń qymbat baspanalar qandaı?

Bul týraly Infohub.kz aqparat agenttigi habarlaıdy.

Eń arzan baspanalar

Qazaqstandaǵy eń qoljetimdi turǵyn úı retinde Shyǵys Qazaqstan oblysy, Chapaevo kentinde ornalasqan 1963 jyly salynǵan kirpish úıdegi 36 sharshy metrlik eki bólmeli páterdi ataýǵa bolady. Onyń baǵasy – 600 myń teńge.

Bul páterde symdy ınternet, aǵash eden, tynysh aýdan jáne jańa santehnıka bar. Qazirgi tańda respýblıka boıynsha bir mıllıon teńgege deıingi quny bar 18 páter satylymda tur. Olardyń basym bóligi eldiń batys jáne shyǵys óńirlerinde ornalasqan.

Eger izdeýdi eki mıllıon teńgege deıin keńeıtsek, taǵy 91 jarnamany kórýge bolady. Mysaly, Qaraǵandy oblysy, Qarabas kentindegi bir bólmeli páter 1 mıllıon 50 myń teńgege satylýda. Al Qaraǵandy oblysy, Buqar Jyraý aýdany, Kúshoqy kentindegi bir bólmeli páter 1,3 mıllıon teńgege usynylǵan.

Baǵasy mıllıardtan asatyn baspanalar

Elimizde baǵasy mıllıard teńgeden asatyn páterler de barshylyq. Qazirgi tańda eń qymbat páter Astana qalasynda satylýda. Ol 25 qabatty úıdegi 21-shi qabatta ornalasqan, 1,9 mıllıard teńgege baǵalanǵan. Bul páterde úsh jeke jatyn bólme, árqaısysynyń jeke garderob bólmesi bar. Sondaı-aq, tórt jýynatyn bólmesi bar.

Astanadaǵy bul páterdiń terezesinen qalanyń kórinisi ashylady. Qazirgi ýaqytta mıllıard teńgeden joǵary baǵalanatyn 12 páter satylymda, onyń 10-y Almaty qalasynda.

Jerdegi ómir qymbatqa túsedi

Al jer úılerge keletin bolsaq, Qazaqstan boıynsha baǵasy mıllıard teńgeden asatyn 254 úı bar. Olardyń keıbiriniń baǵasy 10 mıllıard teńgeden asyp jyǵylady.

Almaty qalasynyń Bostandyq aýdanynda ornalasqan 1500 sharshy metrlik osobnáktyń baǵasy 10 mıllıard teńgeden asady. Al sol aýdandaǵy 1200 sharshy metrlik úı 7 mıllıard teńgege baǵalanǵan.

Eń qymbat úılerdiń basym bóligi Almatynyń joǵarǵy jaǵynda ornalasqan. Olardyń baǵasy shamamen 4,6 mıllıard teńge.

Astana qalasyndaǵy 1039 sharshy metrlik úsh qabatty úı 2,7 mıllıard teńgege satylýda.