InfoHub Logo

Oqý jylynyń ekinshi toqsanynda mektepte oqytý formattary boıynsha aldyn ala esepteýler júrgizildi.

Bilim jáne ǵylym mınıstrliginiń Telegram-da jarıalaǵan málimetinshe, qazirgi kezde qazaqstandyq mektepterde 3,4 mln bala oqıdy: qashyqtan oqytý formatynda – 2,4 mln, dástúrli formatta – 953 myń, 647 myń bala kezekshi synyptarda (1-4 synyp), shaǵyn jınaqty 3047 mektepte 306 myń oqýshy bilim alyp jatyr.

Ekinshi toqsanda oqý formattary boıynsha balalardyń boljamdy sany: qashyqtan oqytý formatynda – 2,2 mln, dástúrli formatta – 1,2 mln, onyń ishinde 800 myńnan astam bala kezekshi synyptarda (1-5 synyp), shaǵyn jınaqty 4010 mektepte 434 myń oqýshy, 13 halyqaralyq mektepte 3 myńǵa jýyq oqýshy (1-7 synyp) bilim alatyn bolady.

Esterińizge sala ketsek, tıisti sheshim Vedomstvoaralyq komısıanyń otyrysynda qabyldanǵan bolatyn.

---