InfoHub Logo

Buqaralyq aqparat quraldary qyzmetkerleri kúnine oraı 60 qazaqstandyq jýrnalıs pen medıa salasynyń mamandary baspanaly boldy. Páter kiltterin "Dara" prezıdenttik bastamalar qory Memleket basshysy Qasym-Jomart Toqaevtyń atynan tabystady.

Bıylǵy jyly páter tek jýrnalıserge ǵana emes, sondaı-aq rejıserler, operatorlar, korektorlar, dýbláj redaktorlary, dybys rejıserleri men qoıýshylarǵa jáne jalpy sapaly medıakontent jasaýmen aınalysatyn ózge de sala qyzmetkerlerine berildi.

Memleket basshysynyń baspasóz hatshysy Rýslan Jeldibaı bul ıgi sharada áleýmettik osal toptarǵa aıryqsha nazar aýdarylǵanyn atap ótti.

– Áleýmettik osal toptarǵa erekshe kóńil bólindi: baspana alýshylardyń qatarynda kópbalaly otbasylar men múgedek balasy bar januıalar bar. Áriptesterimniń bul jetistigine shyn júrekten qýanyshtymyn. Barshańyzdy merekemen quttyqtaımyn, – dedi ol.

Bul bastama medıa salasy qyzmetkerleriniń el úshin sińirgen eńbegine berilgen laıyqty baǵasy retinde qabyldanýda.