InfoHub Logo

Qazaqstandyq áıel Qyrǵyzstanda kámeletke tolmaǵan balalardy satyp alyp, olarǵa amoraldyq jáne dinı rásimder jasaǵany úshin sottalyp, 12 jylǵa bas bostandyǵynan aıyryldy. Bul týraly Qyrǵyzstan Ulttyq qaýipsizdik memlekettik komıteti habarlady.

Bul týraly Infohub.kz aqparat agenttigi habarlaıdy.

Balalardy satý jáne zorlaý

Qazaqstan azamatshasy men onyń qyrǵyzstandyq sybaılasy 2024 jyly adam saýdasy boıynsha qylmystyq is qozǵalǵannan keıin ustalǵan. Tergeý málimetteri boıynsha, áıel men er adam Qyrǵyzstannan kámeletke tolmaǵan balalardy zańsyz shyǵarý arnasyn uıymdastyrǵan.

Qazaqstandyq A.A. esimdi azamatsha, Izraıl azamaty A.B. ekeýi birigip, aqshalaı jáne basqa da múliktik syıaqy úshin Qyrǵyzstan azamaty S.S.-dan úsh kámeletke tolmaǵan balany satyp alǵan.

«Bul balalarǵa qatysty aqylǵa syımaıtyn, amoraldyq jáne dinı rásimder jasalyp, olardyń deneleri jalańashtalyp, sýretke túsirilip, áleýmettik jeliler arqyly Qyrǵyzstannan tys jerlerde turatyn úshinshi tulǵalarǵa jiberilgen. Buǵan qosa, atalǵan qylmystyq top Qyrǵyzstan azamatshasy D.K.-nyń eki kámeletke tolmaǵan balasyn tolyq qamqorlyqqa alýǵa ruqsat alǵan, olarǵa da osyndaı áreketter jasalǵan», - delingen habarlamada.

Sot úkimi

Qylmystyq is materıaldary Bishkek qalasynyń Pervomaı aýdandyq sotyna qaraýǵa jiberildi. Nátıjesinde, 2026 jyldyń 12 naýryzynda sot aıyptalýshylardy kináli dep tanyp, olarǵa bas bostandyǵynan aıyrý jazasy taǵaıyndaldy. Qazaqstan azamatshasy 12 jylǵa, al Qyrǵyzstan azamaty 11 jylǵa bas bostandyǵynan aıyrylyp, múlki tárkilendi.