tengrinews.kz
«Qazaqstandyq Monıka Bellýchchı» zeınetkerlikke shyqty
Mańǵystaý oblysynda polısıa qyzmetkerleri zeınetkerlikke shyǵaryldy. Olardyń arasynda 2025 jyly áleýmettik jelide «qazaqstandyq Monıka Bellýchchı» atanǵan polısıa podpolkovnıgi Leıla Saıdova da bar. Bul týraly Infohub.kz aqparat agenttigi habarlaıdy.
Polısıadaǵy qyzmeti
Mańǵystaý oblystyq polısıa departamentiniń baspasóz qyzmetiniń habarlaýynsha, qyzmetke 2009 jyly 25 jasynda kirgen Leıla Saıdova alǵashqyda oblystyq İİD aqparattyq-tehnıkalyq qyzmeti basqarmasynyń tehnıkalyq qyzmetkeri bolǵan. Eki jyldan keıin, 2011 jyly ákimshilik polısıa bólinisterine aýysyp, zeınetkerlikke shyqqanǵa deıin osy salada qyzmet etken. Onyń sońǵy laýazymy – Mańǵystaý oblystyq polısıa departamenti Ákimshilik polısıa basqarmasynyń uıymdastyrý jáne baqylaý bóliminiń aǵa ınspektory boldy.
Áleýmettik jelidegi tanymaldylyq
Leıla Saıdova 2025 jyly blogermen bolǵan daý kezinde túsirilgen vıdeodan keıin keń tanymaldylyqqa ıe boldy. Vıdeo jelide tez tarap ketti. Alaıda, paıdalanýshylardyń nazaryn tek janjaldyń ózi ǵana emes, polısıa qyzmetkeriniń syrtqy kelbeti de baýrap aldy. Pikir qaldyrýshylar ony ıtalán aktrısasy Monıka Bellýchchımen salystyra bastady.
42 jasynda zeınetkerlikke shyqqan Leıla endi otbasyna jáne 9 jasar ulyn tárbıeleýge kóbirek ýaqyt bólmekshi.
-
Áleýmettik jelide Túrkistan oblysyndaǵy Greıg qyzǵaldaqtary ósken alqapty traktordyń kesip ótken beınejazbasy talqylanýda. Bul jaǵdaı qoǵamda qyzý pikirtalas týdyrdy.
-
A police lieutenant colonel, known for her resemblance to Monica Bellucci, has retired from service in the Mangystau region after a notable career.
